आयटी प्रोफेशनल्ससाठी मोठी दिलासादायक बातमी आहे. आयटी क्षेत्रात ३ लाख ६० हजार जागांसाठी भरती होण्याची शक्यता आहे. नुकत्याच आलेल्या एका अहवालानुसार, आयटी कंपन्या चालू आर्थिक वर्षात मोठ्या संख्येने फ्रेशर्सची नियुक्ती करण्याचा विचार करत आहेत. कोरोना संकट काळात इतर उद्योगांवर संकट कोसळलं, पण त्याचवेळी आयटी कंपन्यांची मागणी मात्र वाढली. त्यामुळे स्वाभाविकच आयटी कंपन्यांची उलाढालही वाढली. त्यातूनच फायदाही. कोरोनानंतरच्या परिस्थितीतही आयटी कंपन्यांच्या सेवांमध्ये वाढच होत आहे. त्यामुळे आता या कंपन्या नव्याने भरती करत आहे.