एमपीएससीमार्फत ‘पशुसंवर्धन विभागात’ २९८ जागांवर करिअर संधी

मुक्तपीठ टीम

महाराष्ट्र लोकसेवा आयोगा मार्फत पशुसंवर्धन विभागात पशुधन विकास अधिकारी, महाराष्ट्र पशुसंवर्धन सेवा, गट-अ या पदांसाठी एकूण २९८ जागांवर नोकरीची संधी आहे. पात्र आणि इच्छुक उमेदवार, ०१ जून २०२२ पर्यंत अर्ज करू शकतात. नोकरीचे ठिकाण संपूर्ण महाराष्ट्र आहे. या बातमीविषयी अधिक माहितीसाठी व्हिडीओच्या डिस्क्रिप्शनमध्ये दिलेली संबंधित बातमीची लिंक क्लिक करा आणि मुक्तपीठच्या वेबसाइटला भेट द्या.

शैक्षणिक पात्रता

अर्ज करणारा उमेदवार, पशुवैद्यकशास्त्र किंवा पशुवैद्यकशास्त्र व पशुसंवर्धन पदवी असणे आवश्यक आहे.

वयोमर्यादा

या पदांसाठी अर्ज करणाऱ्या उमेदवारांचे वय १८ ते ३८ वर्षांपर्यंत असणे आवश्यक आहे.

शुल्क

या पदांसाठी अर्ज करणाऱ्या खुल्या प्रवर्गातील उमेदवारांकडून ३९४ रूपये शुल्क आकारले जाणार, तर मागासवर्गीय/ आर्थिक परिस्थिती बिकट असलेल्या उमेदवारांकडून २९४ रूपये शुल्क आकारले जाणार आहे.

अधिक माहितीसाठी महाराष्ट्र लोकसेवा आयोगाच्या अधिकृत वेबसाइट https://www.mpsc.gov.in/ वरून माहिती मिळवू शकता.

पाहा व्हिडीओ: