मुक्तपीठ टीम
रिझर्व्ह बँक ऑफ इंडियाने महाराष्ट्रातील लातूरमधील आर्थिक संकटात सापडलेल्या डॉ. शिवाजीराव पाटील निलंगेकर अर्बन को-ऑपरेटिव्ह बँक लिमिटेडचा बँकिंग परवाना रद्द केला आहे. अपुरे भांडवल आणि व्यवसाय चालू ठेवण्यास असमर्थ असल्याने आरबीआयने ही कारवाई केली आहे. परवाना रद्द करण्याबरोबरच बँकेला ठेवी स्वीकारणे आणि कर्ज वाटप करणे, बँकिंग व्यवसाय सुरु करण्यावर निर्बंध आणण्यात आले आहेत.
परवाना रद्द करण्याची घोषणा करताना आरबीआयने सांगितले की, बँक ठेवीदारांना पैसे देण्यास असमर्थ होईल. आरबीआय व्यतिरिक्त सहकार आयुक्त आणि सहकारी संस्थांचे कुलसचिव यांनीही महाराष्ट्रातील ही बँक बंद करून बँकेसाठी अधिकारी नेमण्याचे आदेश जारी केले आहेत.
केंद्रीय बँकेने सांगितले की, डॉ. शिवाजीराव पाटील निलंगेकर अर्बन को-ऑपरेटिव्ह बँक लिमिटेडकडे उत्पन्नाचं कोणतंही साधन नाही आहे. हे बँकिंग नियमन कायदा १९४९ च्या तरतुदीनुसार नाही.
डॉ.शिवाजीराव पाटील निलंगेकर अर्बन को-ऑपरेटिव्ह बँक लि. सुरु राहणं हे ग्राहकांसाठी योग्य नाही. बँकेला व्यवसाय वाढविण्याची परवानगी दिली तर त्याचा परिणाम ग्राहकांवर आणि सामान्य लोकांवर होईल.
Subscribe
