रणवीर सिंगचे छोट्या पडद्यावर 'बिग पिक्चर'मधून पदार्पण!

मुक्तपीठ टीम

हिंदी सिनेसृष्टीतील अनेक कलाकार आपल्याला छोट्या पडद्यावर पाहायला मिळतात. अगदी बॉलीवुडच्या सुपरस्टार्स पासून दिग्दर्शकांपर्यंत अनेक सेलिब्रिटी मंडळी रिअॅलिटी शो मध्ये दिसुन येतात. मोठा पडदा आपल्या अभिनयाने गाजवणारे असेच एक सेलिब्रिटी व्यक्तिमत्व आता छोट्या पडद्यावर पदार्पण करत आहे. रणवीर सिंग ‘द बिग पिक्चर’ हा सोनी वाहिनीवर येणारा नवीन कार्यक्रम होस्ट करणार आहे. रणवीर पहिल्यांदाच एखादा रिऍलिटी शो होस्ट करणार आहे.

कलर्सचा नवा शो आणि नवा होस्ट

कलर्स वाहिनीवर ‘द बिग पिक्चर’ हा नवीन रिऍलिटी शो येणार आहे.
१६ ऑक्टोबर पासुन हा शो शनिवार आणि रविवार कलर्स वाहिनीवर संध्याकाळी ८ वाजता प्रदर्शित होणार आहे.
या शो च्या निमित्ताने रणवीर सिंग छोट्या पडद्यावर पदार्पण करत आहे.
रणवीर ‘द बिग पिक्चर’ हा कार्यक्रम होस्ट करणार आहे.
जाहिरातीमध्ये रणवीर होस्ट करताना खुप उत्साही दिसत आहे.
रणवीर पहिल्यांदाच एखादा रिॲलिटी शो होस्ट करताना दिसणार आहे.

याआधी देखील अनेक बॉलीवूड सेलिब्रिटी छोट्या पडद्यावर रियालिटी शोच्या होस्ट या भुमिकेत पाहायला मिळाले आहेत. त्यांपैकी काहींनी आपली वेगळी छाप पाडून, छोट्या पडद्यावरून देखील लोकप्रियता मिळवली. छोट्या पडद्याचे वैशिष्ट्य म्हणजे एखाद्या व्यक्तीला प्रेक्षकांच्या घराघरापर्यंत पोहोचता येते. बॉलीवुडमधील अनेक सेलिब्रिटी मंडळींनी छोट्या पडद्यावर आगमन केले आहे. काहींना त्यात यशही मिळाले आहे.

छोट्या पडद्यावरील बॉलीवुड होस्ट!

अमिताभ बच्चन – कौन बनेगा करोडपती.
सलमान खान – बिग बॉस.
रोहित शेट्टी – खतरो के खिलाडी
शाहरुख खान – क्या आप पाचवी पास से तेज है?, जोरका झटका.
अक्षय कुमार – खतरो के खिलाडी.
करण जोहर – कॉफी विथ करण.
आमीर खान – सत्यमेव जयते.

‘द बिग पिक्चर’ कलर्स चा नवीन प्रयोग

द बिग पिक्चर हा गेम शो असणार आहे.
बिग बॉस १५ च्या रविवारच्या भागात या शो ची अधिकृत घोषणा करण्यात आली.
या गेम शोमध्ये सामान्य ज्ञानासोबतच पिक्टोरियल मेमरीची देखील परीक्षा घेतली जाणार आहे.
स्पर्धकांना १२ फोटो संबंधित प्रश्नांची उत्तरे द्यायची आहेत.
विजेत्यांना रोख रक्कम बक्षीस मिळणार आहे.
घरबसल्या या खेळात सहभागी होता येणार आहे.
कलर्स वाहिनीचा हा नवीन प्रयोग आहे.