मु्क्तपीठ टीम
प्रशांत किशोर यांच्या कोणी लागू नका नादी ;
२०२४ मध्ये प्रधानमंत्री बनणार आहेत नरेंद्र मोदी!
नरेंद्र मोदी आहेत आंबेडकरवादी;
मग का प्रधानमंत्री बनणार नाहीत नरेंद्र मोदी? असे रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी आपल्या खास शैलीत म्हटले आहे.
प्रशांत किशोर हे २०१४ च्या निवडणुकित नरेंद्र मोदींसोबत होते. मात्र २०१९ च्या निवडणुकीत प्रशांत किशोर मोदींसोबत नव्हते तरीही २०१९ च्या निवडणुकीत ३०३ जागा मिळवीत मोठा विजय मोदींच्या नेतृत्वात भाजपाला मिळाला. ज्या राज्यात प्रशांत किशोर यांनी प्रचार केला नाही त्या राज्यांत ही भाजप ला विजय मिळालेला आहे. त्यामुळे माझे म्हणणे आहे प्रशांत किशोर यांच्या कोणी लागू नका नादी कारण २०२४ मध्ये पंतप्रधान बनणार आहेत नरेंद्र मोदी असे रामदास आठवले आज मुंबईत संविधान निवासस्थानी प्रसिद्धी माध्यमांशी बोलताना म्हणाले असल्याचे रिपाइद्वारे प्रसिद्धी पत्रकाद्वारे कळविले आहे.
विरोधी पक्षांमध्ये एकजूट नाही. त्यांच्यात एकमत नाही. एनडीए सोबत नसणारे विरोधी पक्षातील अनेक पक्ष पंतप्रधान नरेंद्र मोदींसोबत आहेत. त्यामुळे कोणी कितीही प्रयत्न केला तरी येत्या २०२४ च्या निवडणुकीत पंतप्रधान नरेंद्र मोदींच्या नेतृत्वात भाजप एनडीए प्रचंड बहुमत मिळवून विजयी होतील आणि पुन्हा नरेंद्र मोदी पंतप्रधान होतील असा विश्वास रामदास आठवले यांनी व्यक्त केला आहे.
Subscribe
