राजू शेट्टींचा आघाडीवर हल्लाबोल: “शेती कळत नाही त्यांनी मदत केली, कळते त्यांची टाळाटाळ!”

मुक्तपीठ टीम

जुलैमध्ये झालेल्या महापुरामुळे अनेक शेतकऱ्यांचं नुकसान झालं. या पूरग्रस्त शेतकऱ्यांना मदत मिळवून देण्यासाठी स्वाभिमानी शेतकरी संघटनेचे नेते राजू शेट्टी यांच्या पंचगंगा जलसमाधी परिक्रमा यात्रेला बुधवारपासून सुरुवात झाली आहे. प्रयाग चिखली या तीर्थक्षेत्री त्यांनी अभिषेक घालून त्यांनी सुरुवात केली. तब्बल पाच दिवस चालणाऱ्या त्यांच्या आक्रोश मोर्चा परिक्रमेत हजारो शेतकरी आणि स्थानिक नागरिक सहभागी आहेत. शेतकरी आणि पूरग्रस्तांच्या मागण्या मान्य न केल्यास येत्या ५ सप्टेंबर रोजी पूरग्रस्तांसह जलसमाधी घेऊ, असा इशारा राजू शेट्टी यांनी दिला आहे.

राजू शेट्टी यांचा राज्यसरकारला इशारा

• २३ ऑगस्ट रोजी राजू शेट्टी यांनी पूरग्रस्तांच्या मागण्यांसाठी मोर्चा काढला होता.
• या मोर्चामध्येच त्यांनी पंचगंगा परिक्रमेची घोषणा केली.
• पण सरकारने या मोर्चाची दखल घेतली नाही. त्यामुळे त्यांनी बुधवारपासून पंचगंगा परिक्रमा सुरू केली आहे.
• ही परिक्रमा नरसोबाच्या वाडीत संपेल.
• त्यानंतर ५ सप्टेंबर रोजी राजू शेट्टी पूरग्रस्तांसह जलसमाधीही घेणार आहे.

राजू शेट्टींच्या मागण्या

• पुरामुळे सांगली आणि कोल्हापूर या दोन जिल्ह्यांमध्ये मोठं नुकसान झालं आहे.
• शेतकऱ्यांची संपूर्ण शेती वाहून गेली.
• स्थानिकांची घरं पाण्यात बुडाली.
• अनेकांचे संसार मातीमोल झाले.
• सरकारकडून पूरग्रस्तांना अद्यापही मदत मिळालेली नाही.
• त्यामुळे या सर्वांना सरकारने तातडीने आर्थिक मदत द्यावी.
• तसेच २०१९च्या जीआरप्रमाणे पूरग्रस्तांना मदत देण्यात यावी.
• कुणाला वेठीस धरण्याचा आमचा हेतू नाही.

आघाडीची पॅकेजची घोषणा, पण मिळालेच नाही!

• राजू शेट्टी यांनी आघाडी सरकारला टोला लगावला आहे.
• कृष्णा, पंचगंगा नदीतील महापुराचं पाणी बोगद्यातून दुष्काळी भागाकडे वळवण्याच्या घोषणा ही निव्वळ धूळफेक आहे.
• अशा मोठ्या योजना आणून पैसे खाण्याचा हा उद्योग आहे.
• जयंत पाटील यांची ही योजना कधीच पूर्ण होणार नाही.
• पूरग्रस्तांना पॅकेज देण्याची घोषणा मुख्यमंत्री उद्धव ठाकरे यांनी केली.
• पण अजून कसलीही मदत मिळाली नाही.
• मदत मिळण्यासाठी मी ठाकरे यांच्याकडे गेलो होतो पण भेट दिली गेली नाही.
• अजूनही मदत मिळाली नाही.
• पूरानं शेतकरी कर्जबाजारी झाला आहे.
• शाळा, कॉलेज सुरु झाले असल्यानं फी कशी भरायची?

शेती कळत नाही त्यांनी मदत केली, कळते त्यांची टाळाटाळ!

• शेतकऱ्यांना २०१९ साली आलेल्या महापुराप्रमाणे मदत मिळायला हवी, अशी मागणीही त्यांनी केली होती.
• मुख्यमंत्री, उपमुख्यमंत्री फक्त आश्वासन देऊन गेले
• संपूर्ण पीक कर्जमाफीसह पूर पट्ट्यातील घरांचं विना अट संपूर्ण पुनर्वसन करण्याची प्रमुख मागणी खासदार राजू शेट्टी यांनी केली होती.
• मुख्यमंत्री उद्धव ठाकरे आणि उपमुख्यमंत्री अजित पवार फक्त आश्वासनं देऊन गेले.
• ज्यांना शेती कळत नाही त्यांनी मदत केली.
• मात्र, ज्यांना ती कळते त्यांनी मदत द्यायला टाळाटाळ केली.