“खुल्या प्रवर्गासाठी परदेशी शिक्षण शिष्यवृत्तीत फक्त २०चा कोटा! खुल्या प्रवर्गात तेवढेच गुणवंत विद्यार्थी ?”

राजेंद्र पातोडे / व्हा अभिव्यक्त!

उच्च व तंत्र शिक्षण विभागांतर्गत खुल्या प्रवर्गातील “गुणवंत मुलामुलींना परदेशात उच्च शिक्षणासाठी शिष्यवृत्ती” या योजनेअंतर्गत सन २०२२-२३ करिता केवळ २० विद्यार्थी निवडले जाणार आहेत. खुल्या प्रवर्गातील आठ लाखाच्या आत उत्पन्न मर्यादा असलेल्या विद्यार्थ्यांकडून अर्ज मागविण्यात आले आहेत. राज्यात खुल्या प्रवर्गात केवळ २० च गुणवंत विध्यार्थी आहेत का? ही विद्यार्थी संख्या अतिशय त्रोटक असून राज्य सरकारने असल्या भिकार पध्दतीने योजना राबविण्याचे ढोंग बंद करावे. किमान ५०० विद्यार्थी संख्येसाठी ही योजना राबविण्यात यावी, अशी मागणी केली आहे.

महाराष्ट्र शासनाच्या उच्च व तंत्र शिक्षण विभागांतर्गत महाराष्ट्र राज्यातील खुल्या प्रवर्गातील ज्या गुणवंत विद्याथ्यांनी पदव्युत्तर पदविका, पदव्युत्तर पदवी व पीएचडी अभ्यासक्रमासाठी, THE (Times Higher Education) किंवा QS | (Quacquarelli Symonds) Ranking २००च्या आत असलेल्या परदेशातील शैक्षणिक संस्थेमध्ये प्रवेश घेतला असेल अशा विद्याथ्यांकरिता शासन | निर्णय उच्च व तंत्र शिक्षण विभाग क्रमांक संकीर्ण-२०१८/प्र.क्र. ०४.१०.२०१८, क्रमांक संकीर्ण-२०२०/प्र.क्र.११६/ तांशि-४ दिनांक ०६ सप्टेंबर, शासन शुद्धिपत्रक क्र. संकीर्ण-२०१९/प्र.क्र.२७४ (भाग-२ ) /तांशि दिनांक २२ मार्च, २०२२ व शासन पत्र क्रमांक पशियो- २०२२/प्र.क्र.१०८/तांशि-४, २०२१ क्र. १ २१८/तांशि-४, दि.दि. ३ जून २०२२ नुसार सदर शिष्यवृत्ती योजना राबविण्यात येत आहे. सदर योजनेंतर्गत पात्र उमेदवारांकडून शैक्षणिक वर्ष २०२२-२३ साठी ऑन लाईन संकेतस्थळावर online पद्धतीने १० जून, २०२२ ते ११ जुलै, २०२२ दरम्यान अर्ज करण्याचे आवाहन करण्यात आले आहे.शिष्यवृत्तीसाठी शाखा/अभ्यासक्रम निहाय केवळ २० जागा उपलब्ध आहेत.पदव्युत्तर पदविका व पदव्युत्तर पदवी डॉक्टरेट करिता वाणिज्य,विज्ञान,व्यवस्थापन,विधी,अभ्यासक्रम,औषधनिर्माणशास्त्र,कला ह्यासाठी एक – एक जागाच उपलब्ध करून दिली आहे.तर अभियांत्रिकी/वास्तुकला शास्त्र ४- ४ जागा उपलब्ध आहेत.

महाराष्ट्र शासनाच्या उच्च व तंत्र शिक्षण विभागांतर्गत महाराष्ट्र राज्यात केवळ २० गुणवंत निवड केली जाणे ही गुणवंत ह्या शब्दाची थट्टा आहे. राज्य सरकारने ही क्रूर थट्टा थांबवून गुणवंत विध्यार्थी संख्या मध्ये किमान ५०० करण्यात यावी. नाहीतर राज्य सरकार फक्त दाखवण्यापुरतीच ही शिष्यवृत्ती योजना राबवत असल्याचे सिद्ध होईल.

(राजेंद्र पातोडे वंचित बहूजन युवा आघाडीचे महासचिव आहेत.)