रेल्वे मुंबईतील परळ, महालक्ष्मी मैदानं खासगी बिल्डरना लीजवर देणार!

मुक्तपीठ टीम

देशभरात रेल्वेकडे लाखो एकरचे भूखंड रिकामे आहेत. रेल्वेमार्गाशेजारीलही रेल्वेची बरीच जमीन आहे. रेल्वे जमीन विकास प्राधिकरणाने रेल्वेची ही रिकामी जागा विकासकांना लीजवर देण्याचा निर्णय घेतला आहे. अशा प्रकारचे ९२ भूखंड विकासकांना लीजवर देण्याचा निर्णय घेतला गेला आहे. त्यापैकी १५ मैदानांच्या प्रस्तावित वापराच्या तांत्रिक अभ्यासासाठी निविदा मागविण्यात आल्या आहेत. मॉल किंवा अन्य व्यावसायिक बांधकाम होणार असलेल्या या भूखंडांपैकी दोन मुंबईतील आहेत. एक परळचे रेल्वे मैदान तर दुसरा महालक्ष्मीचे रेल्वे क्रीडा संकुल हे पहिल्या टप्प्यातील भूखंडाच्या यादीत आहेत.

नेमकी काय आहे योजना?

• रेल्वे जमीन विकास प्राधिकरणाने वाराणसी येथे स्पोर्ट्स कॉम्प्लेक्स, परळ येथे क्रिकेट मैदान, भुवनेश्वर येथील स्टेडियम, पाटणा येथील इंडोर स्टेडियम, कोलकाता येथे स्टेडियम, चेन्नई येथील स्पोर्ट्स कॉम्प्लेक्स, रायबरेली येथील क्रीडा कॉम्प्लेक्स, गुवाहाटीमधील स्पोर्ट्स कॉम्प्लेक्स, मलिगाव येथे कपूरथळा येथील स्पोर्ट्स कॉम्प्लेक्स हे कमर्शियल कॉम्प्लेक्स म्हणून विकसित करण्यासाठी निविदा मागवल्या आहेत.
• यासह, तांत्रिक-आर्थिक अभ्यासासाठी रेल्वे जमीन विकास प्राधिकरणाने निवडलेल्या ठिकाणांमध्ये सिकंदराबादमधील बंगळुरुमधील क्रिकेट स्टेडियम, महालक्ष्मीमधील क्रीडा संकुल, रांचीमधील हॉकी स्टेडियम, लखनौमधील क्रिकेट, स्टेडियम व गोरखपूर स्टेडियम इत्यादींचा समावेश आहे.

गोरखपूरमधील रेल्वेच्या रिकाम्या जमीनीवर मॉल-

• यापूर्वी अशी बातमी आली होती की भारतीय रेल्वे गोरखपूरच्या असुरन चौक आणि दुर्गाबारी येथील रेल्वे ज्युनियर इन्स्टिट्यूट परिसरात शॉपिंग मॉल आणि कमर्शियल कॉम्प्लेक्स तयार करण्याची तयारी करत आहे.
• गोरखपूरच्या दोन्ही प्रमुख ठिकाणी जमीन निवडली गेली आहे.
• रेल्वे प्रशासनाने रेल्वे बोर्डाला पाठविलेल्या प्रस्तावानुसार दोन्ही जागा खासगी कंपनीला भाडेतत्त्वावर देण्यात येतील.

लखनौमध्ये टाउनशिपही बांधली जाणार-

• रेल्वे जमीन विकास प्राधिकरणाने ऐशबाग येथील लखनौ इंडस्ट्रियल साइडिंगची जमीन ९९ वर्षांच्या लीजवर खासगी बिल्डरला दिली आहे.
• एलआयएसकडे मवैया-तळकटोरा रस्त्यावरील मवैया पुलावरून खाली उतरत असलेल्या उजव्या बाजूला सुमारे ३.५४ हेक्टर जमीन आहे.
• या जागेवर सिमेंट आणि गिट्टी विक्रेते व्यापलेले होते.

मुझफ्फरपूरमध्ये मॉल बांधले जाणार-

• रेल्वेने बिहारच्या मुझफ्फरपूरच्या इमलीखट्टी येथे रिकाम्या जागेवर मॉल बांधण्याचा निर्णय घेतला आहे.
• कोलकातास्थित एका कंपनीला आरएलडीएच्या जमिनीवर मॉल बांधण्याचे काम देण्याची तयारी सुरू झाली आहे.
• कंपनीने यासाठी सर्वेक्षणही केले आहे.
• याशिवाय लोको कॉलनीतील रिक्त जागा व्यावसायिक वापरासाठी निर्णय रेल्वेने घेतला आहे.