पुणे का बनतंय देशाची कोरोना राजधानी?

मुक्तपीठ टीम

महाराष्ट्रातच नाही तर देशभर राहण्यासाठी उत्तम मानले जाणारे पुणे सध्या मात्र भीतीचे कारण बनले आहे. हे शहर आणि जिल्हा देशाची कोरोना राजधानी बनताना दिसत आहे. सातत्याने कोरोनाच्या नव्या रुग्णांची संख्या वाढतीच असल्याने कोरोनाच्या दुसऱ्या लाटेला तोंड देणे हे आव्हानत्मक ठरते आहे. मात्र, पुण्यात कोरोनाचा संसर्ग का फैलावतो त्याची कारणे समजून घेणे आवश्यक आहे.

गेल्या २४ तासांत येथे ५०९८ नवीन प्रकरणे नोंदली गेली. यावेळी ६ लोकांचा मृत्यूही झाला आहे. नवीन रुग्णांचे निदान होण्यामध्ये पुणे देशात आघाडीवर आहे. त्यानंतर नागपूर व मुंबईचा क्रमांक लागतो. अशा परिस्थितीत संसर्गाच्या वाढीच्या कारणांमुळे राज्य सरकारपासून स्थानिक प्रशासन देखील चिंतेत आहेत.

पुण्यात कोरोना का वाढत आहे?

पुण्यात कोरोना फोफावण्याची काही कारणे तज्ज्ञ सांगतात:

दिवसा आणि रात्री तापमानात मोठ्या प्रमाणात फरक असल्यामुळे फ्लूची शक्यता वाढली.
७० % होम क्वारंटाईन रूग्णांच्या निष्काळजीपणामुळे संसर्ग वाढत आहे.
लस आल्यापासून लोकांमध्ये कोरोनाची भीती कमी झाली आहे.
वाढते शहरीकरण आणि पुण्यातील रस्त्यांवरील वाढती रहदारी.
अधिक चाचण्या आणि अचूक संपर्क ट्रेसिंगचा अभाव.
सामाजिक मेळावे, लग्नसोहळे, प्रवास यासाठीची गर्दी
शहरात काम करणाऱ्या ग्रामीण भागातील रहिवाशांमुळे कोरोना गावाकडेही पोहचला.
नवीन कोरोना स्ट्रेन अधिक संसर्गजन्य असण्याची शक्यता आहे.
वारंवार हात धुण्याची आणि योग्यपणे मास्क घालण्याचे प्रमाण कमी झाले.
कोरोना प्रकरणात वाढ होण्याचे हे प्रमुख कारण असू शकते.
पुणे आणि पिंपरी चिंचवडमध्ये चाचण्यांचे प्रमाण वाढवल्यामुळे रुग्णसंख्या वाढत असल्याचेही सांगितले जाते.

कोरोना रोखण्यासाठी पुण्यात जास्त निर्बंध

पुढील आदेश येईपर्यंत पुणे महानगरपालिकेतील सर्व सामाजिक, सांस्कृतिक, राजकीय आणि धार्मिक उपक्रमांवर पूर्णपणे बंदी घालण्यात आली आहे.
लग्नाला उपस्थित राहण्यासाठी ५० लोकांची परवानगी आहे.
अंत्यसंस्कारासारख्या कार्यक्रमांमध्ये सुमारे २० लोक उपस्थित राहू शकतात.
पुणे महानगरपालिका क्षेत्रातील सर्व कार्यालयांमध्ये (आरोग्य व अत्यावश्यक सेवा वगळता) ५०% कामगार काम करण्याचे आदेश.
खासगी कार्यालयांना बहुधा घरातून काम देण्यास सांगितले जात असे.
३१ मार्च पर्यंत पुण्यात रात्री ११ ते सकाळी ६ या वेळेत नाईट कर्फ्यू असेल.

पुणे तिथे काय उणे

पुणे हे शिक्षणाचे केंद्र आहे, राज्याची सांस्कृतिक राजधानी मानली जाते.
पुणे शहराचा साक्षरता दर ८९.४५% आहे.
इज ऑफ लिव्हिंग इंडेक्सद्वारे पुणे हे देशातील दुसरे क्रमांकाचे चांगले शहर आहे.
येथे मोठ्या संख्येने आयटी व्यावसायिक आणि वाहन उद्योगांशी संबंधित कर्मचारी राहतात.