मुक्तपीठ टीम
पुण्याच्या मुळशी तालुक्यातील उरवडेमधील एसव्हीएस अक्वा टेक्नॉलॉजिस कंपनीला लागलेल्या भीषण आगीत १८ स्त्री-पुरुष कामगारांचा होरपळून मृत्यू झाला. मुळशी पॅटर्नमुळे चर्चेत आलेले अभिनेते दिग्दर्शक प्रवीण तरडे हे याच तालुक्यातील. त्यामुळे त्यांनी कारखान्याला भेट दिली. राख झालेला तो अरुंद परिसर पाहून ते संतापले. त्यांनी स्पष्ट शब्दात इशारा दिला, “आपल्या मुळशीतील आपले भाऊ-बहिण कुठे आणि कसे काम करतात, याची पाहणी आणि चौकशी आपण केलीच पाहिजे. आता बस झालं. मुळशी तालुक्याची रग दाखवून देऊ, कंपन्यांत घुसून पाहणी करु!”
मला परिस्थिती माहित आहे
• मी इथल्याच शेजारच्याच कंपनीत जवळपास दोन ते तीन वर्ष काम केले आहे.
• मला इथली परिस्थिती माहिते आहे.
• आपले आय-बाप, बहीण भाऊ असेच महिन्या-वर्षांनी जळणार, आणि आपण हाच तमाशा पाहत बसायचं का?
• मी इथल्या सगळ्या सरपंच आणि उपसरपंच यांना विनंती करतो की आता आपले भाऊ बहीण- आई बाप, आपले नातलग जिथं कुठे काम करत अशतील तिथे आपण जाऊ, त्यांना विनंती करु, की आमची जवळची माणसं कुठं काम करतात, हे आम्हाला पाहू द्या.
• त्यांनी नाही ऐकले तर आपण कंपन्यांत घुसू.
• ते कुठल्या परिस्थितीत काम करतात, हे आपल्याला पाहावेच लागेल.
• दहा ठिकाणी आपली रग माहिती आहे, आता आपली रग आपल्या आई-बापांसाठी दाखवा.
• नाहीतर वर्षानुवर्षे असा तमाशा बघण्याची आपल्यावर वेळ येत राहिल.
एवढ्या कमी जागेत एवढी माणसं कशी काम करतात?
• ४० बाय ४०च्या जागेत ३८ माणसं कशी काम करतात?
• त्यामुळे २० माणसं वाचली यात आनंद मानायचा की दुर्दैव?
• ४० बाय ४०च्या ठोकळ्यात १०-१२ केमिकलच्या मशीन्स आहेत.
प्रवीण तरडे मुळशीचे भूमीपूत्र
• प्रवीण तरडे हे मूळचे मुळशीचे भूमीपूत्र आहेत.
• वयाच्या विशीत त्यांनी काही वर्षे मुळशीतील कंपन्यांमध्ये कामही केले आहे.
• त्यामुळे त्यांना तेथील परिस्थितीची जाणीव आहे.
• त्यामुळे ते आग लागलेल्या कारखान्यातील परिस्थिती पाहून संतापले.
Subscribe
