मुक्तपीठ टीम
राज्यातील सध्याची परिस्थिती चिंताजनक झाली आहे. राज्यात सर्वाधिक कोरोना रुग्ण असुन मुत्युचं प्रमाणही वाढताना दिसत आहे. राज्यातील अनेक जिल्ह्यात कोरोनाने थैमान घातले असून रुग्णांची वाढणारी संख्या, ऑक्सिजन आणि रेमडेसिवीरचा तुटवडा बघता राज्यातील आरोग्य यंत्रणा पुरती कोडमडल्यासारखी झाली आहे. त्यामुळे सरकारने ठोस पावले उचलावीत व आरोग्य यंत्रणेत सुधारणा आणावी, अशी अपेक्षा विधान परिषद विरोधी पक्षनेते प्रविण दरेकर यांनी व्यक्त केली आहे.
विधानसभेचे विरोधी पक्षनेते देवेंद्र फडणवीस आणि विधान परिषदेचे विरोधी पक्षनेते प्रविण दरेकर आज पालघर दौऱ्यावर आहेत. फडणवीस यांच्या हस्ते आज उसगाव डोंगरी येथील श्रमजीवी कोरोना सेंटरचे उद्घाटन करण्यात आले. त्यानंतर त्यांनी कोरोना सेंटरची पाहणीही केली तसेच जिल्हाधिकारी कार्यालयात जाऊन जिल्हाधिकारी यांच्याशी उपाययोजनांबाबत चर्चाही केली. यावेळी कार्यक्रमाचे आयोजक व माजी आमदार विवेकभाऊ पंडीत, आमदार प्रसाद लाड, मनिषाताई चौधरी, जिल्हाध्यक्ष राजन नाईक, स्नेहाताई पंडीत, वसईचे तहसीलदार तसेच संघटनेचे पदाधिकारी व इतर मान्यवर उपस्थित होते.
यावेळी माध्यमांशी बोलताना दरेकर म्हणाले, देवेंद्र फडणवीस मुख्यमंत्री असताना त्यांनी पालघर जिल्ह्याचा जास्तीत जास्त विकास कसा होईल याकडे लक्ष दिलं. आदिवासी समाजासाठी अनेक योजना आणल्या आणि निधीही दिला. संवेदनशील असलेल्या देवेद्रजी यांनी आदिवासी समाजासाठी काम केलं. पण आज करोना काळात पालघरसारख्या आदिवासीबहुल जिल्ह्याकडे सरकारचे दुर्लक्ष होत आहे. आता तरी सरकारने पालघर जिल्ह्याकडे लक्ष दिले पाहिजे.
दरेकर म्हणाले, देवेंद्र आणि मी काल नाशिक जिल्ह्यातील कोरोना सेंटरला भेट दिली. नाशिक जिल्ह्यातील कोरोना सेंटरला भेट दिल्यावर कळले की ऑक्सीजन आणि रेमडेसिविरचा साठा मर्यादित असून त्याचा पुरवठा वाढविण्याची आवश्यकता आहे. नाशिकमधील कोरोना पॉसिटिव्ह रुग्णांचा दर ३० टक्क्यांवर गेला आहे. देवेंद्रजी फडणवीस यांनी सरकारी अधिकारी यांच्यासोबत बातचित करून केंद्राशी चर्चा सुद्धा केली आहे. देशात सर्वाधिक ऑक्सीजन, व्हेंटीलेटर, रेमडेसिवीर महाराष्ट्राला मिळाले. राज्यातील मंत्र्यानकडून आरोग्य यंत्रना कशी जलद होईल यांचा विचार केला पाहिजे, असे दरेकर यांनी सांगितले.
Subscribe
