मुक्तपीठ टीम
ऑलिंपिकमध्ये दोन पदकं मिळवणारा कुस्तीपटू सुशिलकुमार आता गायब झाला आहे. दिल्ली पोलीस त्याचा शोध घेत आहे. ज्युनिअर नॅशनल चॅम्पीयनशिप स्पर्धा विजेत्या कुस्तीपटूच्या हत्या प्रकरणात सुशिलकुमारचे नाव पुढे आले आहे. या प्रकरणात दिल्ली पोलिसांनी सुशिलसह अन्य दोन कुस्तीपटूंच्या घरावर धाड घातली आहे.
कुस्तीपटू सुशील कुमारवर आरोप आहे की तो सागरकुमार या ज्युनिअर कुस्तीपटूच्या हत्येमध्ये सामील होता. त्याने २३ वर्षीय कुस्तीपटूला इतक्या वाईट प्रकारे मारले की त्याचा मृत्यू झाला. सुशील कुमारच्या शोधात आम्ही सातत्याने छापेमारी करत आहोत. त्याच्यावर हत्येचा आरोप आहे, अशी माहिती अतिरिक्त डीसीपी डॉ. गुरिकबाल सिंह सांगितले.
आम्ही त्याच्या सहकाऱ्यांचा शोध घेत आहोत, ज्यांच्यातील काही जण पकडले गेले आहेत. पीसीआर कॉलच्या आधारे हा गुन्हा दाखल करण्यात आला. सुरुवातीच्या तपासात सुशील कुमार आणि त्याचे साथीदार संशियत आढळले आहेत.
या मारहाणीत जखमी झालेल्या दोन जणांनी सांगितले की त्यांना सुशील कुमार यांनी मारहाण केली. पोलिसांनी घटनास्थळावरुन एक बंदूक जप्त करून एका आरोपीला अटक करण्यात आली आहे.
Subscribe
