पंतप्रधान नरेंद्र मोदी यांच्या जीवनावर आधारीत २०१९ मध्ये चित्रपट प्रदर्शित झाला होता. या चित्रपटांमध्ये अभिनेता विवेक ओबरॉयने पीएम नरेंद्र मोदी यांची भूमिका साकारली होती. या चित्रपटाला प्रेक्षकांचा संमिश्र प्रतिसाद मिळाला. चित्रपट बॉक्स ऑफिसवर काही खास कमाल दाखवू शकला नाही. मात्र, पुन्हा एकदा पीएम मोदींच्या जीवनावर आधारित वेब सीरिजचा ट्रेलर प्रदर्शित झाला आहे. हा या सीरीजचा दुसरा सीजन असणार आहे.
या वेब सीरीजमध्ये पीएम मोदींच्या भूमिकेत अभिनेता महेश ठाकूर दिसत आहेत. या मालिकेचा पहिले सीजन एप्रिल २०१९ मध्ये १० भागांमध्ये प्रदर्शित झाला होता. पहिल्या सीजनमध्ये नरेंद्र मोदींच्या बालपणापासून ते गुजरातचे मुख्यमंत्री होईपर्यंतचा प्रवास दाखविण्यात आला होतो. तर आता दुसरा सीजन तीन भागांमध्ये असून पीएम मोदींच्या मुख्यमंत्री ते पंतप्रधान असा प्रवास दाखविण्यात येणार आहे.
या दुसऱ्या सीजनमध्ये मोदींनी गुजरातच्या मुख्यमंत्रीपदी तीन वर्षांचा कार्यकाळ कसा पूर्ण केला, त्यांच्या समोर आलेल्या आव्हानांना सामोरो कसे गेले आणि देशाचे पंतप्रधान होण्यात ते कसे यशस्वी झाले या गोष्टी पाहायला मिळणार आहेत. पंतप्रधान मोदींच्या भूमिकेविषयी बोलताना महेश ठाकूर म्हणाले की, लहानपणापासूनच त्यांनी पंतप्रधान मोदींच्या प्रवासाविषयी ऐकले आहे आणि ही अशी गोष्ट आहे जिथून देशातील नागरिक प्रेरणा घेऊ शकतात. तसेच नागरिका ही वेब सीरीज आवडेल अशी त्यांनी अपेक्षा व्यक्त केली. ही सीरीज हिंदी, तेलगू, तामिळ, कन्नड आणि गुजराती या ५ भाषांमध्ये प्रदर्शित होणार आहे.
Subscribe
