मुक्तपीठ टीम
२०१६ मध्ये झालेल्या मुलाच्या मृत्यूसाठी न्यायालयीन लढाई लढणाऱ्या मातेला अखेर न्याय मिळाला आहे. मुंबईत रस्ते अपघातात एका मुलाचा मृत्यू झाला, त्यावर न्यायाधिकरण न्यायालय म्हणजेच ट्रायब्यूनल न्यायालयात महत्वाची सुनावणी पार पडली. न्यायाधिकरण न्यायालयाच्या आदेशानुसार, मुलाच्या आईला ३ कोटी रुपये नुकसानभरपाई मिळणार आहेत. न्यायाधिकरणाच्या आदेशानंतर विमा कंपन्या ही भरपाई देतील.
काय आहे नेमके प्रकरण?
- २०१६मध्ये मुंबई-अहमदाबाद महामार्गावर कार आणि त्याच्या वाहनाची धडक होऊन एका या तरुणाचा मृत्यू झाला होता. तो कोटक महिंद्रा बँकेत अधिकारी होता.
- भूषण जाधव असे त्याचे नाव आहे. तो कुटुंबीयांसह महामार्गाच्या बाजूला असलेल्या गावात गेला होता, जिथे त्यांचे नातेवाईक राहतात. त्याचे कुटुंबीय नातेवाईकांना भेटण्यासाठी गेले होते, तर भूषण आणि त्याचे वडील गाडीत बसले होते. हे कुटुंब पालघरला जात होते.
- ३८ वर्षीय भूषण बँकेत असिस्टंट व्हाईस प्रेसिडेंट होता. त्याला मासिक पगार २ लाख रुपये होता.
- या तरूणाचे लग्नही होणार होते. राष्ट्रीय महामार्गाच्या कडेला इनोव्हा निष्काळजीपणे पार्क केल्याचे न्यायाधिकरणाने सांगितले.
- न्यायाधिकरणाने सांगितले की, राष्ट्रीय महामार्गालगत वाहनांची पार्किंग सर्वांसाठी खुली नाही, ज्यावर वाहने भरधाव वेगाने जात आहेत.
- तर, इनोव्हा कारचा चालक म्हणजेच भूषणने आपले वाहन राष्ट्रीय महामार्गाच्या कडेला उभे केल्याने तोही अपघातास काही प्रमाणात जबाबदार आहे.
एकंदरीत निष्काळजीपणाचे प्रकरण असल्याचे लक्षात घेऊन, न्यायाधिकरणाने विमा कंपनी, मालक आणि आक्षेपार्ह कार, महिंद्रा पिकअपचा चालक यांना ७०% नुकसान भरपाई सहन करण्याचे निर्देश दिले. उर्वरित ३०% नुकसान भरपाई विमा कंपनी, चालक आणि इनोव्हा कारच्या मालकाने द्यायची आहे ज्यामध्ये पीडित व्यक्ती प्रवास करत होता.
‘हा’ अपघात निष्काळजीपणाने झाला, महिंद्रा पिकअप कार त्यास मुख्य जबाबदार- न्यायाधिकरण न्यायालय
- न्यायाधिकरणाने महिंद्रा पिकअपला प्रामुख्याने जबाबदार धरले.
- न्यायाधिकरण न्यायालयाने म्हटले की, हा अपघात भरदिवसा साडेआठच्या सुमारास घडला. संबंधित वेळी महिंद्रा पिकअप कार भरधाव वेगात होती.
- या घटनेत महिंद्रा पिकअप कारचे नियंत्रण न राहिल्याने कारच्या मागील बाजूस धडकली. इनोव्हा कार त्याला दुरूनच दिसत असतानाही, आपल्या कारवर नियंत्रण ठेवता आले नाही.
- राष्ट्रीय महामार्गावर उभ्या असलेल्या इनोव्हा कारच्या चालकाचा निष्काळजीपणा होता मात्र पिकअपच्या चालकाचा त्यापेक्षा अधिक निष्काळजीपणा होता.
अपघात आणि अकाली मृत्यूला महिंद्रा पिकअपचा चालक आणि इनोव्हाचा चालक भूषण जाधव जबाबदार असल्याचे न्यायाधिकरणाने म्हटले आहे. भूषणची आई रजनी जाधव यांनी न्यायाधिकरणाला सांगितले की, कारमध्ये तिचा नवराही मुलाच्या शेजारी बसला होता, मात्र ते गंभीर जखमी झाला होते. २०१७ मध्ये, दोन विमा कंपन्यांनी २०१५मध्ये वेस्टर्न एक्सप्रेस हायवेवर कार अपघातात मरण पावलेल्या पायलटच्या ६८ वर्षीय वडिलांना सुमारे ३ कोटी रुपयांची भरपाई देण्याचे आदेश दिले होते.
Subscribe
