आतुरता ओलाच्या इलेक्ट्रिक वाहनांची, पुढच्या वर्षापर्यंत स्वस्त आणि मस्त ओला ई-गाड्या!

मुक्तपीठ टीम

सध्या पेट्रोल डिझेलच्या वाढत्या किंमतींमुळे ग्राहकांचा कल हा इलेक्ट्रिक वाहनांकडे वाढताना दिसत आहे. ओला इलेक्ट्रिकचे सीईओ भावीश अग्रवाल यांनी दिलेल्या माहितीनुसार, कॅब-एग्रीगेटर-टर्न-इलेक्ट्रिक वाहन क्षेत्रातील त्यांचा स्टार्टअप पुढील वर्षापासून स्वस्त इलेक्ट्रिक मोटरसायकल आणि इलेक्ट्रिक स्कूटर विकसित करण्यास सुरवात करेल. अग्रवाल यांनी यापूर्वी एका ब्लॉग पोस्टमध्ये नमूद केले होते की, कंपनी आपली ईव्ही रेंज ई-स्कूटर्सपासून ई-बाईक आणि ई-कारपर्यंत विस्तारित करण्याची योजना आखत आहे.

इलेक्ट्रिक बाईक आणि परवडणाऱ्या ई-स्कूटर्सवर ओलाने लक्ष केंद्रित केले आहे. अग्रवाल यांनी इलेक्ट्रिक मोटरसायकल आणि स्वस्त इलेक्ट्रिक स्कूटरच्या उत्पादनाविषयीच्या बातम्यांचे पोस्ट रिट्विट करत “हो पुढच्या वर्षी” असे लिहिले आहे. सप्टेंबरच्या सुरुवातीला, ओला इलेक्ट्रिकने इलेक्ट्रिक मोटारसायकल आणि कार विकसित करण्याच्या आपल्या योजनांना गती देण्यासाठी २०० दशलक्ष जमा केले.

निधी उभारणी हे ईव्ही स्टार्टअपचे ‘मिशन इलेक्ट्रिक’-

नो पेट्रोल २डब्ल्यू इन इंडिया २०२५ ला फास्ट ट्रॅक करण्याच्या योजनेचा हा एक भाग आहे.
कंपनीचा अंदाज आहे की, दशकाच्या मध्यापर्यंत पेट्रोलवर चालणारी एकही दुचाकी देशातील रस्त्यावर धावणार नसेल.

बॅटरीने चालणारी ओलाची पहिली स्कूटर

ओलाने एस१/ एस२ लॉन्च केली आणि सध्या हे मॉडेल दिल्ली, बेंगळुरू, कोलकाता आणि अहमदाबाद सारख्या शहरांमध्ये चाचणी ड्राइव्हसाठी ऑफर केले जात आहे.
चाचणीची व्यवस्था करण्यात आली आहे जेणेकरून अनेक लोक ज्यांनी युनिट आरक्षित केले आहे ते खरेदी प्रक्रिया पूर्ण करण्यापूर्वी त्याची चाचणी करू शकतील. चाचणी राइड संपल्यानंतर लवकरच डिलिव्हरीची पहिली बॅच सुरू करण्याची कंपनीची योजना आहे.
ओला इलेक्ट्रिक स्कूटर एस१ आणि एस२ प्रो या दोन ट्रिममध्ये उपलब्ध आहे.
ओला एस१ ची किंमत १ लाख आहे आणि एका चार्जवर सुमारे १२० केएमएस असा दावा केला जातो.
तर एस१ प्रोची किंमत १ लाख ३० हजार आहे आणि एका चार्जवर १८० किलोमीटरचा दावा केला जातो.