नव्या युगातील नवा धंदा... पॉवर बँक भाड्याने मिळणार

मुक्तपीठ टीम

आता पावर बॅंकही भाड्याने मिळणार हे एकूण हसू आले ना? हो पण आता हे घडतंय…सध्या मोबाइलचा वापर खूप वाढला आहे. खूप कामे मोबाईलवरच होत असल्याने बॅटरीचा वापरही. त्यातूनच मग कितीही जास्त क्षमतेची असली तरी बँटरी संपते. मग करायचं काय? नेमकी तेथेच संधी हेरली एका व्यावसायिकाने त्यांनी स्पाइक या ब्रँडनेमने नवीन व्यवसाय सुरू केला आहे. जो लोकांना भाड्याने पॉवर बँकची सुविधा देत आहे.

स्पाइकच्या योजना

देशभरात त्याचे बरेच आउटलेट्स आहेत. आपण एका आउटलेटमधून पॉवर बँक भाड्याने घेऊ शकता आणि दुसर्‍या आउटलेटवर परत करू शकता. कंपनीने तीन योजना आखल्या आहेत.
प्रथम स्टॅन्डर्ड आहे, ज्यामध्ये आपल्याला प्रति तास २० रुपये द्यावे लागतील.
दुसरी योजना एलिटची आहे, ज्यामध्ये आपल्याला वार्षिक १,१९९ रुपये द्यावे लागतील.
तिसरी योजना सुप्रीम असून यामध्ये तुम्हाला १,९९९ रुपयांमध्ये लाइफटाइम मेंबरशिप मिळेल.
हे वापरणारे डेबिट कार्ड, क्रेडिट कार्ड, यूपीआय आणि पेटीएम वापरून पैसे देऊ शकतात.

जस्ट डायलचे सह-संस्थापक रमणी अय्यर यांनी आपला ‘स्पाइक’ हा नवीन उपक्रम सुरू केला आहे. ही एक स्मार्टफोन पॉवर बँक भाडे सेवा आहे. अवघ्या ६ महिन्यांत, स्पाइकने भारतातील सर्वात मोठे स्मार्टफोन पॉवर बँक भाडे नेटवर्क तयार केले आहे. संपूर्ण देशभरातील ११ शहरांमध्ये ८,००० ठिकाणी नेटवर्क आहे. आता स्मार्टफोन पॉवर बँक भाड्याने देण्याच्या उद्योगात जागतिक कंपनी बनण्याच्या स्पाइकच्या दृष्टीकोनातून अय्यर लक्ष केंद्रित करत आहेत. येत्या काही वर्षांत १५ अब्ज डॉलर्सची याचा व्यापार असण्याची शक्यता आहे.