मुक्तपीठ टीम
माणसाला डिजिटल जगात प्रत्येक गोष्ट घरपोहोच हवी असते. गेल्या काही वर्षात लोकांचा कल ऑनलाइन शॉपिंगकडे वळला. यात कपडेच नव्हे तर किराणा मालापासून ते भाजीपाला या सर्वांचा समावेश झाला. आता हमसफर इंडिया डिझेल होम डिलिव्हरी कंपनी चालू आर्थिक वर्षात भारतातील आणखी २०० शहरांमध्ये आपली सेवा विस्तारित करण्याची योजना आखत आहे. स्टार्टअप कंपनीने असेही म्हटले आहे की, त्यांना ई-मोबाइल वाहन चार्जिंग स्टेशनच्या व्यवसायात प्रवेश करायचा आहे आणि काही कंपन्यांशी चर्चा सुरू आहे.
हमसफर इंडियाच्या सह-संस्थापक सान्या गोयल म्हणाल्या, “सध्या आमच्याकडे डोअर स्टेप डिझेल डिलिव्हरीचा २० टक्के बाजार हिस्सा आहे आणि आम्ही चालू आर्थिक वर्षात ३० टक्के हिस्सा मिळवण्याचा विचार करत आहोत.” “आम्हाला भारताच्या प्रत्येक कानाकोपऱ्यात पोहोचायचे आहे आणि भविष्यात सर्व प्रकारच्या ऊर्जा वितरणात क्रांती घडवायची आहे,”
घरोघरी इंधन वितरण मॉडेल देशभरात झपाट्याने विकसित झाले आहे आणि कोरोनानंतरच्या काळात ते आणखी वेगाने वाढले आहे. गेल्या आर्थिक वर्षात ३० हजार कंटेनरची विक्री झाल्याचेही त्यांनी सांगितले. त्या म्हणाल्या, “आम्ही बाजारपेठेत पाऊल ठेवण्यासाठी धोरण आखले आहे आणि चालू वर्षात ही संख्या दुप्पट होण्याची अपेक्षा ठेवली आहे आणि ती निर्यात करण्याचीही अपेक्षा आहे.”
पाहा व्हिडीओ:
Subscribe
