निर्मला सीतारामन यांची गुजरातच्या गिफ्ट सिटीला ५०० कोटींची गिफ्ट!

मुक्तपीठ टीम

केंद्रीय अर्थ आणि कंपनी व्यवहार मंत्री निर्मला सीतारामन यांच्या नेतृत्वाखाली दोन अर्थ राज्यमंत्री आणि अर्थ मंत्रालय आणि कंपनी व्यवहार मंत्रालयाच्या सचिवांच्या प्रतिनिधिमंडळाने आज गिफ्ट सिटीला भेट दिली. शिष्टमंडळाने गिफ्ट सिटी, गांधीनगर येथे भारताच्या पहिल्या आंतरराष्ट्रीय वित्तीय सेवा केंद्राच्या (IFSC) विकास आणि वृद्धीच्या मुद्यांवर चर्चा केली. याभेटीचा गुजरातमधील या आर्थिक केंद्राला मोठा फायदा झाला आहे. केंद्रीय अर्थमंत्री निर्मला सीतारामन यांची गुजरातच्या गिफ्ट सिटीला ५०० कोटींचे प्रस्ताव मान्यतेची गिफ्ट जाहीर केली! गिफ्ट सिटी येथे केंद्रीय अर्थमंत्र्यांनी जीआयएफटी -आयएफएससीच्या माध्यमातून भारताला जागतिक आर्थिक प्रवेशद्वार बनवण्याच्या केंद्राच्या प्रयत्नांची घोषणा केली आहे.

भांडवली बाजार आणि बँकिंग आणि विमा यावरील दोन परस्परसंवादी सत्रे समांतरपणे संबंधित सचिवांच्या अध्यक्षतेखालील गटांमध्ये आयोजित करण्यात आली होती. कार्यक्रमादरम्यान गिफ्ट सिटीचे व्यवस्थापकीय संचालक आणि मुख्य कार्यकारी अधिकारी आणि त्यानंतर आयएफसीएसएच्या अध्यक्षांनी सादरीकरण केले.

सादरीकरणांमध्ये जीआयएफटी-आयएफएससीच्या प्रवासातील सर्व पैलू म्हणजे पंतप्रधान नरेंद्र मोदी यांची प्रारंभिक संकल्पना , त्यानंतरची प्रगती आणि जीआयएफटीचा दर्जा आणखी उंचावण्याचा मार्ग या सर्व बाबींचा समावेश करण्यात आला आहे. त्यानंतर, जीआयएफटी -आयएफएससीमधील वाढीच्या संधींबाबत खुली चर्चा आयोजित करण्यात आली होती, ज्यात अर्थमंत्र्यांनी भाग घेतला आणि उपाय शोधून पुढे वाटचाल करण्याच्या गरजेवर भर देण्यात आला.

५०० कोटींच्या प्रस्तावांच्या मान्यतेची ‘गिफ्ट’!

निर्मला सीतारामन यांनी या कार्यक्रमादरम्यान जाहीर केले की आर्थिक व्यवहार विभागाने गेल्या आठवड्यात आंतरराष्ट्रीय वित्तीय सेवा केंद्र प्राधिकरण (IFSCA) च्या तीन प्रमुख प्रस्तावांना मंजुरी दिली आहे. पहिला प्रस्ताव होता IFSCA च्या मुख्यालयाच्या इमारतीसाठी 200 कोटी रुपयांचा, ज्यात 100 कोटी रुपये अनुदान अनुदान म्हणून आणि उर्वरित 100 कोटी रुपये सरकारकडून कर्ज म्हणून देण्यात येणार आहेत. दुसरा प्रस्ताव होता IFSCA च्या आयटी पायाभूत सुविधांच्या विकासासाठी 269.05 कोटी रुपये आणि तिसरा IFSCA फिनतेक योजनेसाठी 45.75 कोटी रुपयांचा होता.

केंद्राच्या प्रयत्नांची घोषणा!

गिफ्ट सिटी येथे जीआयएफटी -आयएफएससीच्या माध्यमातून भारताला जागतिक आर्थिक प्रवेशद्वार बनवण्याचा केंद्र सरकारचा प्रयत्न असल्याचे अर्थमंत्र्यांनी सांगितले.

सीतारामन यांनी गिफ्ट सिटीलाही भेट दिली आणि त्यांच्या वैशिष्ट्यांची झलक त्यांना देण्यात आली. अर्थमंत्र्यांनी ऑटोमेटेड वेस्ट कलेक्शन सिस्टम (AWCS), अंडरग्राउंड युटिलिटी टनेल, बुलियन व्हॉल्टिंग सुविधा तसेच इंडिया आयएनएक्सला भेट दिली. . भारतात सोन्याची मागणी जास्त असल्यामुळे जीआयएफटी -आयएफएससी येथे प्रस्तावित आंतरराष्ट्रीय बुलियन एक्सचेंजबाबत NSE IFSC, India INX आणि IFSCA कडून इंडिया आयएनएक्स येथे सीतारामन यांना सादरीकरण करण्यात आले.

FM Smt. @nsitharaman will lead a team of seven Secretaries from @FinMinIndia and Ministry of Corporate Affairs to discuss matters of development and growth of India’s maiden International Financial Services Centre (IFSC) at GIFT City, Gandhinagar tomorrow. (1/5) pic.twitter.com/Nvgp3L0qL5

— Ministry of Finance (@FinMinIndia) November 19, 2021

ही बातमीही नक्की वाचा:

केंद्र सरकारचा महाराष्ट्राशी सापत्नभाव! उत्तरप्रदेशात २७, महाराष्ट्रात फक्त २ वैद्यकीय महाविद्यालयांना मान्यता! निधीही तेथे २, ४६७ कोटी तर इथे २६३ कोटी!