मुक्तपीठ टीम
कुत्रा, मांजर, पोपट वगैरे पाळणाऱ्यांना गेल्या काही वर्षांपासून भुतदयेची आणखी एक संधी उपलब्ध झाली आहे. ती आहे वन्य प्राणी दत्तक घेण्याची. मुंबईतील संजय गांधी राष्ट्रीय उद्यानाने यावर्षीही वन्य प्राणी दत्तक योजना जाहीर केली आहे. या योजनेनुसार बोरीवली येथील राष्ट्रीय उद्यानातील काही वन्य प्राणी आता दत्तक घेता येतील.
सिंह, वाघ, बिबट, वाघाटी अशा अनेक बंदिस्त वन्य प्राण्यांची देखभाल राष्ट्रीय उद्यानात केली जाते. उद्यानातील बंदिस्त वन्य प्राण्यांना दत्तक घेतल्यामुळे वने व वन्यजीव संवर्धनाच्या अनमोल कार्यामध्ये सहभागी होण्याची संधी सर्वांना मिळणार आहे. वन्यजीव प्रेमी, संस्था आणि कंपनी यांनी प्राण्यांना एक वर्षाकरीता दत्तक घेऊन वन्यजीव व्यवस्थापनात सहभागी व्हावे, असे आवाहन वनसंरक्षक व संचालक संजय गांधी राष्ट्रीय उद्यान जी. मल्लिकार्जुन यांनी केले आहे.
वन्य प्राणी दत्तक घेण्यासाठीचं दरपत्रक
• वाघ रुपये ३,१०,०००,
• सिंह रुपये ३,००,०००,
• बिबट रुपये १,२०,०००,
• वाघाटी रुपये ५०,०००
• नीलगाय रुपये ३०,०००,
• चितळ रुपये २०,०००,
• भेकर रुपये १०,०००
ही दत्तक रक्कम एका वर्षांसाठी आहे. अधिक माहिती आणि अर्ज करण्याकरिता इच्छुकांनी खालील कार्यालयाशी संपर्क साधावा.
वन संरक्षक व संचालक संजय गांधी राष्ट्रीय उद्यान बोरीवली (पूर्व) मुंबई २. अधीक्षक, सिंह विहार, संजय गांधी राष्ट्रीय उद्यान बोरीवली (पूर्व) मुंबई
ईमेल: lionsafaripark@gmail.com
भ्रमणध्वनी क्र. ७०२०२८२७१४
Subscribe
