मुक्तपीठ टीम
राज्याच्या ग्रामीण भागात काही ठिकाणी पुन्हा एकदा बिबट्यामुळे दहशतीचे वातावरण निर्माण होत आहे. ताजी घटना नाशिक जिल्ह्यातील निफाड तालुक्यातील आहे. तेथिल एका गावात बिबट्याचं दर्शन झालं आहे. नैताळे गावील लोणजाई माता मंदिराच्या पाठीमागील टेकडीवर बिबट्याचा भरदिवसा मुक्त संचार पाहायला मिळाला आहे. यामुळे स्थानिक नागरिकांमध्ये भीतीचे वातावरण निर्माण झाले आहे.
टेकडीमध्ये दिवसा बिबट्याने दर्शन दिल्याने या परिसरात राहणाऱ्या शेतकऱ्यांनी आजूबाजूला असणाऱ्या शेतकऱ्यांना त्याबद्दल सांगितलं. त्यानंतर तिथं गावकरी जमा झाले. गावकऱ्यांनी सदर घटना वनविभागाला कळवली. वनविभागाला माहिती मिळताच वनविभागाचे पथक टेकडी परिसरात पिंजऱ्यासह दाखल झाले आहेत. बिबट्या जेरबंद होत नाही तोपर्यंत सावध राहण्याचे आवाहन वनविभागाने नागरिकांना केले आहे.
Subscribe
