राऊतांविरोधात राणे! ईडीचं निमित्त, मुंबई मनपाच लक्ष्य!

मुक्तपीठ टीम

शिवसेना विरुद्ध केंद्रीय मंत्री नारायण राणे वाद हा काही नवीन नाही. पुन्हा एकदा हा वाद पेटला आहे तो शिवसेना खासदार संजय राऊत यांच्या वक्तव्यावरून. बुधवारी संजय राऊत यांनी लेटरबॉम्ब टाकत केंद्रीय तपास यंत्रणा ईडीकडून सुरु असेलेल्या चौकशांवरून केंद्र सरकारवर गंभीर आरोप केले होते. ही मुंबई आहे. या मुंबईचा दादा शिवसेना आहे. आता तुम्ही शिवसेनेची दादागिरी पाहाच, असा इशारा संजय राऊतांनी दिला होता. त्यानंतर केंद्रीयमंत्री नारायण राणे यांनी संजय राऊतांवर हल्लाबोल चढवला आहे. संजय राऊत तुमची जागा आता बाहेर नाही, तुमची जागा आता आत असे राणे यांनी ट्वीट करत राऊतांवर निशाणा साधला आहे.

नारायण राणेंचा इशारा

• नारायण राणेंनी ट्विट करत म्हटले आहे की, तुमची जागा बाहेर नाही आता “आत” तेव्हा संजय राऊत धमक्या देणे बंद करा.
• कोणी भीक नाही घालत तुमच्या धमक्यांना आणि भाजपवाले तर नाहीच नाही.
• संजय राऊत यांचे वक्तव्य, मुंबईचा दादा “ शिवसेना ” पण ती फक्त “मातोश्रीपुरतीच ”. गुन्हे करायचे आणि मी नाही त्यातला असे म्हणायचे ही वेळ संजय राऊत यांच्यावर आली आहे.
• धमक्या देण्याचे दिवस @rautsanjay61 आता संपले आहेत.

संजय राऊत यांचे वक्तव्य मुंबईचा दादा “ शिवसेना ”
पण ती फक्त “मातोश्रीपुरतीच ”. गुन्हे करायचे आणि मी नाही त्यातला असे म्हणायचे ही वेळ संजय राऊत यांच्यावर आली आहे. धमक्या देण्याचे दिवस @rautsanjay61 आता संपले आहेत.@Dev_Fadnavis @ChDadaPatil @BJP4Maharashtra

— Narayan Rane (@MeNarayanRane) February 9, 2022

संजय राऊतांचे आरोप

• राऊतांनी केंद्र सरकारवर गंभीर आरोप केले.
• ईडीचे सर्वाधिक खटले महाराष्ट्रातच कसे? यूपी, बिहार आणि दिल्लीत कसे नाहीत?, असा प्रश्न त्यांनी केला.
• महाराष्ट्रातील ठाकरे सरकार पाडण्यासाठीचा हा डाव आहे.
• त्यासाठीच हे षडयंत्र सुरू आहे.
• अनिल देशमुखांच्या शेजारील कोठडीत जावं लागेल असं भाजप नेते वारंवार सांगत आहे.
• मी त्यांना सांगतो, तुम्हाला देखील तिथेच जावं लागेल.
• तुमची पापं जास्त आहेत.
• आम्ही शुद्ध आहोत.
• सरकार पडत नाही म्हटल्यावर आमच्यावर दबाव आणण्याचा प्रयत्न केला जात आहे.
• आता जास्त बोलत नाही.
• ईडीला कायदेशीरपणे कारवाई करायची आहे तर त्यांनी करावी.
• ईडीच्या कार्यालयात काय चाललंय? याचे सूत्रधार कोण आहेत? हे लवकरच मी तुम्हाला सांगेन.
• तुम्ही मुंबईत दादागिरी करता, महाराष्ट्रातील लोकांना बाहेरची लोकं सुपाऱ्या घेऊन येतात.
• १२-१२ तास डांबून ठेवतात.
• धमक्या देतात.
• मुंबई पोलिसांनी याच्यावर कारवाई करावी असं माझं आवाहन आहे.

सत्यमेव जयते.. pic.twitter.com/ImdX7wPuYa

— Sanjay Raut (@rautsanjay61) February 8, 2022