मुंडेंना डावलल्याची भावना, समर्थकांचे राजीनामे, भाजपा प्रवक्त्यांचे आगीत तेल!

मुक्तपीठ टीम

पदाधिकाऱ्यांपासून पंचायत समिती सभापती तसेच जिल्हा उपाध्यक्षांचा राजीनामा-

• आतापर्यंत बीडमधील २५ बाजपा पदाधिकाऱ्यांनी राजीनामे दिले आहेत.
•  नाराज पदाधिकाऱ्यांनी भाजप जिल्हाध्यक्ष राजेंद्र मस्के यांच्याकडे राजीनामा सोपविला आहे.
• भाजपा जिल्हा सरचिटनीस सर्जेराव तांदळे, जिल्हा परिषद सदस्य सविता बडे, पंचायत समिती सदस्य  प्रकाश खेडकर यांच्यासह इतर पदाधिकाऱ्यांनी राजीनामे दिले आहेत.
• याच नाराजीच्या भावनेतून अहमदनगर जिल्ह्यातील पाथर्डी पंचायत समितीच्या भाजपच्या विद्यमान सभापती सुनीता दौंड यांनी आपल्या पदाचा राजीनामा दिला आहे.
• दौंड यांच्या राजीनाम्याबरोबरच त्यांचे पती गोकुळ दौंड यांनीसुद्धा भाजप जिल्हा उपाध्यक्षपदाचा राजीनामा दिलाय.
• या दोघांनीही आपले राजीनामे भाजपचे जिल्हाध्यक्ष अरुण मुंडे यांच्याकडे सोपवले आहेत.

गणेश हाकेंचं आगीत तेल-

• भाजप नेते गणेश हाके म्हणाले, “केंद्रीय मंत्रिमंडळाची जी पुनर्रचना झाली त्यात प्रीतम मुंडे यांचा समावेश झाला नाही.
• त्यानंतर पंकजा मुंडे आणि प्रीतम मुंडे यांच्या समर्थक भाजप पदाधिकाऱ्यांनी आपल्या पदाचे राजीनामे दिल्याचं मी ऐकलंय.
• परंतु हे अत्यंत चुकीचं आहे.
• पंकजा मुंडे यांनी शुक्रवारी दिलेल्या मुलाखतीत सांगितलंय की प्रथम राष्ट्र, नंतर पक्ष आणि अंतिमतः आपण असतो.
• हीच भारतीय जनता पक्षाची विचारसरणी आहे.
• भाजपचे जे पक्षांतर्गत निर्णय होतात ते पक्षाच्या हिताच्या दृष्टीकोनातून होतात.
• त्यामुळे केंद्रीय मंत्रिमंडळात ज्या मंत्र्यांचा समावेश झाला आहे तो पक्षाच्या हिताच्या दृष्टीकोनातून झाला आहे.
• अशावेळी व्यक्तीला महत्त्व न देता पक्षाला महत्त्व द्यायला हवा.
• पक्षाने घेतलेला निर्णय योग्य आणि पक्ष हिताचा आहे असंच भाजपचे निष्ठावान समजतात.
• त्यामुळे राजीनामे देणार पदाधिकारी भाजपचे निष्ठावान नाहीत असं मला वाटतं.
• केवळ प्रीतम मुंडे यांना पद दिलं नाही म्हणून राजीनामे देणं योग्य नाही.