मुक्तपीठ टीम
सध्या सोशल मीडियावर ‘पुष्पा’ मधील ‘श्रीवल्ली’चा ट्रेंड सुरू आहे. जिकडे-तिकडे सर्वजण श्रीवल्लीवर मस्त कंटेंट तयार करून आपला परफॉर्मन्स सादर करत आहेत. चित्रपट गाण्यांपासून ते डायलॉग्सपर्यंत सुपरहिट ठरला आहे. या चित्रपटाने बॉक्स ऑफिसला आपल्या यशाने हादरवले. काहींनी चित्रपटाच्या डायलॉग्सवर तर काहींनी हुक स्टेप्सवर व्हिडीओ बनवले आहेत. आता मुंबई पोलिसांनीही हा ट्रेंड फॉलो करत ‘श्रीवल्ली’ गाण्यावर परफॉर्मन्स दिला होता. मुंबई पोलिसांचा बँड खाकी स्टुडिओने सादरीकरण केले. पोलीस कर्मचाऱ्यांनी बासरी, सॅक्सोफोन, शहनाई अशा विविध वाद्यांसह ‘श्रीवल्ली’ गाण्याची धून वाजवली.
मुंबई पोलिसांचा बँड ‘खाकी स्टुडिओ रूकेगा नही’
- हा व्हिडीओ मुंबई पोलिसांच्या अधिकृत यूट्यूब चॅनलवर शेअर करण्यात आला आहे.
- आपल्या ट्विटरवर व्हिडीओ पोस्ट करत मुंबई पोलिसांनी लिहिले – ‘खाकी स्टुडिओ रूकेगा नही. आम्ही मुंबईकरांना श्रीवल्लीच्या तालावर नाचताना पाहिले. आम्हीही त्यात सामील होण्याचा निर्णय घेतला.’
खाकी स्टुडिओचे यूजर्सद्वारे भरभरून कौतुक
- हा व्हिडीओ नुकताच शेअर करण्यात आला असून आतापर्यंत ३० हजारांहून अधिक लोकांनी पाहिला आहे.
- एका यूजरने ट्विटरवर लिहिले – ‘अप्रतिम वाजवले. दमदार काम केल्यानंतर संघाला प्रेरित करण्यासाठी ते आहे.’
- एकाने एकाने लिहिले, ‘अद्भुत, इतके सुंदर वाजवलेले ऐकून आनंद झाला.
‘पुष्पा’बद्दल बोलायचे झाले तर अल्लू अर्जुन आणि रश्मिका मंदाना यांनी चित्रपटात मुख्य भूमिका साकारल्या आहेत. या चित्रपटाने जगभरात ३०० कोटींचा व्यवसाय केला आहे. हा चित्रपटाचा पहिला भाग होता. चाहते आता त्याच्या दुसऱ्या भागाची वाट पाहत आहेत.
Subscribe
