मुंबई लोकलच्या तिन्ही मार्गावर रविवारी मेगाब्लॉग

मुक्तपीठ टीम

मुंबई लोकलच्या तिन्ही मार्गांवर रविवारी मेगाब्लॉग घोषित करण्यात आला आहे. मध्य रेल्वे मार्गावर रविवारी सकाळपासून देखभालीच्या कामासाठी मेगाब्लॉग घेण्यात येणार आहे. पश्चिम रेल्वेत सांताक्रुझ ते गोरेगाव दरम्यान ब्लॉक असणार आहे. हार्बर लाईनवर पनवेल ते वाशी दरम्यान सकाळी ११.०५ ते संध्याकाळी ४.०५ मध्ये अप आणि डाऊन दोन्ही सेवा बंद असतील. यामुळे रविवारी पर्यायी मार्गावर विलंबाने लोकल धावणार आहेत.

कुठे असणार मेगाब्लॉक

मध्य रेल्वे –

ठाणे ते कल्याण
मार्ग – अप आणि डाऊन धीमा
वेळ – सकाळी ११ ते दुपारी ४
ब्लॉक वेळेत धीम्या मार्गावरील लोकल फेऱ्या अप-डाऊन जलद मार्गावरून चालवण्यात येतील.
यामुळे काही लोकल फेऱ्या रद्द करण्यात येणार असून काही लोकलफेऱ्या विलंबाने धावणार आहेत.

हार्बर रेल्वे-

पनवेल-वाशी
मार्ग – अप आणि डाऊन
वेळ – सकाळी ११.०५ ते दुपारी ४.०५
पनवेल येथून सीएसएमटी दिशेला सुटणाऱ्या आणि सीएसएमटीहून बेलापूर/पनवेलकरिता सुटणाऱ्या लोकल फेऱ्या रद्द करण्यात येणार आहे.
पनवेल-ठाणे दरम्यान धावणाऱ्या अप-डाऊन आणि नेरुळ-खारकोपर दरम्यान धावणाऱ्या अप-डाऊन लोकल फेऱ्या बंद राहणार आहेत.
सीएसएमटी-वाशी आणि ठाणे-वाशी या लोकलफेऱ्या सुरू राहतील.