गोवरची साथ! कोरोनानंतर मुंबईतील कस्तुरबा पुन्हा लढ्यास सज्ज!

मुक्तपीठ टीम

मुंबईत गेल्या काही दिवसांपासून गोवरचा प्रादुर्भाव वाढला आहे. गोवर या आजारामुळे सोमवारी आणखी एका लहान मुलाचा मृत्यू कस्तुरबा रुग्णालयात झाला. यामुळे एकूण मृतांचा आकडा ४ इतका झाला आहे. मुंबईतमधील ९०८ संशयित रुग्णांपैकी ६१ रुग्ण कस्तुरबा रुग्णालयात दाखल करण्यात आले आहेत. त्यापैकी ५ लहान मुलं ही आयसीयूमध्ये आहेत. मुंबईत गोवरची साथ आल्याने कस्तुरबा रुग्णालय कोरोनानंतर पुन्हा लढ्यास सज्ज झाले आहेत. कस्तुरबा रुग्णालयात गोवरच्या रुग्णांसाठी ३ वॉर्ड सुरू करण्यात आले असून अनेक सुविधा करण्यात आले आहेत.

आयसीयुमध्ये ५ रुग्ण!!

• मुंबईत आढळून आलेल्या ९०८ संशयित रुग्णांपैकी ६१ रुग्ण कस्तुरबा रुग्णालयात दाखल करण्यात आले आहेत.
• सोमवारी ६ रुग्ण आयसीयुमध्ये होते.
• त्यापैकी मंगळवारी सकाळी २ जणांना आयसीयुमधून सामान्य वार्डमध्ये दाखल करण्यात आले आहे.
• मात्र मंगळवारी दुपारी एका बालकाची प्रकृती गंभीर झाल्याने त्याला आयसीयुमध्ये दाखल करण्यात आले आहे.
• यामुळे आयसीयुमधील रुग्णांची संख्या ५ झाली आहे.
• त्यापैकी १ रुग्ण व्हेंटिलेटरवर आहे.
• हे सर्व रुग्ण ६ वर्षाखालील आहेत.

कस्तुरबा रुग्णालयात चांगली सुविधा!!

• कस्तुरबा रुग्णालयात आयसीयुमध्ये चांगली सुविधा आणि स्वच्छ्ता आहे.
• खासगी रुग्णालयापेक्षा चांगली सुविधा या ठिकाणी दिली जाते.
• कस्तुरबा रुग्णालयात गोवरच्या रुग्णांसाठी ३ वॉर्ड सुरू करण्यात आले आहेत.
• या ३ वार्डमध्ये ११० बेड्स आहेत.
• आयसीयुमध्ये १० यु बेडस असून ५ व्हेंटिलेटर आहेत.
• सध्याच्या रुग्णसंख्येत वाढ झाल्यास अधिक वॉर्ड सुरू करून बेडसची संख्या वाढवण्यात येईल अशी माहिती कस्तुरबा रुग्णालयाचे वैद्यकीय अधीक्षक डॉ. चंद्रकांत पवार यांनी दिली.