सागरी मत्स्यव्यवसाय, नौकानयन, इंजिन देखभाल आणि परिचलन प्रशिक्षणासाठी प्रवेश सुरू

मुक्तपीठ टीम

वर्सोवा येथील मत्स्य व्यवसाय प्रशिक्षण केंद्रात सहा महिने कालावधीतील सागरी मत्स्यव्यवसाय,नौकानयन व सागरी इंजिन देखभाल आणि परिचलन प्रशिक्षण सत्रास १ जुलै पासून सुरूवात होणार असून या सत्रासाठी प्रवेश घेण्यासाठी २१ जून पर्यंत अर्ज करण्याचे आवाहन प्रशिक्षण केंद्राच्या वतीने करण्यात आले आहे.अधिक माहितीसाठी मुक्तपीठच्या www.muktpeeth.com वरील नोकरी-धंदा-शिक्षण कॅटेगरी तपासा.

मत्स्यव्यवसायाचा विकास आणि विस्तार होण्याच्या दृष्टीकोणातून, मत्स्यव्यवसायातील इच्छूक प्रशिक्षणार्थीना, सागरी मत्स्यव्यवसाय,नौकानयन व सागरी इंजिन देखभाल आणि परिचलन हे प्रशिक्षण वर्सोवा येथील मत्स्यव्यवसाय प्रशिक्षण केंद्रामध्ये देण्यात येते. त्यानुषंगाने सन २०२१-२०२२ या चालू वर्षातील, दिनांक ०१ जुलै २०२१ ते दिनांक ३१ डिसेंबर २०२१ या सहा महिन्याच्या कालावधीचे प्रशिक्षण सुरू होणार आहे.

शुल्क-

प्रती प्रशिक्षणार्थी दरमहा प्रशिक्षण शुल्क रूपये ४५०/- तर दारिद्र्य रेषेखालील प्रशिक्षणार्थी दरमहा रूपये १००/- एवढे आहे.

अर्ज करण्याचा पत्ता-

या प्रशिक्षणासाठी इच्छुक मच्छिमारांनी विहीत अर्ज आपल्या मच्छिमार सहकारी संस्थेच्या शिफारशीसह मत्स्यव्यवसाय प्रशिक्षण केंद्र, पांडूरंग रामले मार्ग, तेरे गल्ली, वसोर्वा, मंबई-६१ येथे दिनांक २१ जून २०२१ पर्यत सादर करावे, असे आवाहन संस्थेच्या वतीने करण्यात आले आहे.