मल्लिकार्जुन खरगेंचा नवी काँग्रेस घडवण्यासाठी ब्ल्यू प्रिंट!

मुक्तपीठ टीम

काँग्रेसच्या सुकाणू समितीच्या रविवारी बैठक पार पडली. या बैठकीत पक्षाचे सरचिटणीस आणि प्रदेश प्रभारी यांनी प्रथम स्वतःची जबाबदारी निश्‍चित करून जनआंदोलनाच्या संदर्भात ३० ते ९० दिवसांत आराखडा तयार करावा, असे खरगे म्हणाले. पुढे ते म्हणाले, पक्ष आणि देशाप्रती असलेल्या आपल्या जबाबदारीचा सर्वात मोठा भाग म्हणजे संघटनेत वरपासून खालपर्यंत जबाबदारी असायला हवी.

ते पुढे म्हणाले, संघटनेतील पक्षाच्या प्रत्येक पदाधिकारी व नेत्याला जबाबदारीने जनसेवेची भूमिका पार पाडून मोदी सरकारपासून पीडित प्रत्येक व्यक्तीच्या पाठीशी उभे राहावे लागेल. उत्तरदायित्वाच्या गरजेवर भर देत ते म्हणाले की, ज्यांना आपली जबाबदारी पार पाडता येत नाही, त्यांनी नव्या लोकांना संधी दिली पाहिजे.

भारत जोडो यात्रेचा फायदा!

• काँग्रेस संघटना मजबूत असेल, उत्तरदायी असेल, लोकांच्या
• अपेक्षेप्रमाणे जगत असेल, तरच आपण निवडणुका जिंकू शकू आणि देशातील जनतेची सेवा करू शकू. ‘भारत जोडो
• यात्रे’चा उल्लेख करताना ते म्हणाले की, या प्रवासाला आता राष्ट्रीय चळवळीचे स्वरूप आले आहे.

भारत जोडो यात्रा म्हणजे द्वेषाच्या राजकारणाविरुद्ध निर्णायक युद्धाची हाक देणारी चळवळ…

• महागाई, भीषण बेरोजगारी, असह्य आर्थिक आणि सामाजिक विषमता आणि देशातील द्वेषाच्या राजकारणाविरुद्ध निर्णायक युद्धाची हाक देणारी चळवळ.
• मोदी सरकारने देशातील जनतेवर, त्यांच्या हक्कांवर आणि आशांवर हल्ला केला असून त्यांचे संरक्षण करण्याची जबाबदारी भारतीय राष्ट्रीय काँग्रेसची आहे.
• गरीब किंवा मध्यमवर्गीय किंवा नोकरी व्यवसायाचे मासिक बजेट बिघडले की तो त्याच्या जीवावर बेततो.

कसा असावा काँग्रेस पक्ष?

• पक्षात कर्तव्य बजावणारी अत्यंत जबाबदार माणसे असली तर जबाबदारीची उणीव दूर होईल.
• संघटना आणि चळवळीची ब्ल्यू प्रिंट तयार केल्यानंतर एकत्र बसून येत्या १५ ते ३० दिवसांत चर्चा करा.
• काँग्रेस सुकाणू समितीचे सदस्य आणि पक्षाच्या इतर नेत्यांनाही या कार्यक्रमात गरजेनुसार सामावून घेतले जाणार आहे.
• २०२४ दरम्यान ज्या प्रांतांमध्ये विधानसभा निवडणुका होणार आहेत, त्या निवडणुकांपर्यंतचे नियोजन आणि कामकाजाचे वेळापत्रक तयार करा.

खरगेंकडे राज्यसभेतील विरोधी पक्षनेतेपद व सभापतीपद कायम…

• फेब्रुवारीमध्ये रायपूर, छत्तीसगड येथे पक्षाचे पूर्ण अधिवेशन घेण्याचा निर्णय बैठकीत घेण्यात आला आहे.
• यात CWC सदस्य, नवीन राष्ट्रीय कार्यकारिणी इत्यादींची स्थापना केली जाईल.
• खरगे यांच्याकडे राज्यसभेतील विरोधी पक्षनेतेपदही सभापतीपदासह काही काळासाठी असेल.
• ब्लॉक आणि जिल्हा स्तरावर अधिकाधिक नवीन चेहऱ्यांना संधी दिली आहे का?
• अशी किती युनिट्स आहेत जिथे पाच वर्षांपासून जिल्हा आणि ब्लॉक स्तरावरील संघटना बदलल्या नाहीत? तेथे बदल करा, असेही ते म्हणाले.
• पक्षात अत्यंत जबाबदार व्यक्ती असून ते कर्तव्य बजावू लागले तर जबाबदारीची उणीव दूर होईल.
• जबाबदारी पार पाडू शकत नाहीत, त्यांना नव्या सहकाऱ्यांना संधी द्यावी लागेल.