महिंद्रा एक्सयूव्ही ७००ला विक्रमी प्रतिसाद! ५७ मिनिटांमध्ये २५ हजार, तर दोन दिवसात ५० हजार!!

मुक्तपीठ टीम

महिंद्राची XUV 700 या एसयूव्हीला लोकांचा प्रचंड प्रतिसाद मिळत आहे. महिंद्रा म्हटले की मजबुती आणि दर्जा ठरलेलाच मानला जातो. त्यामुळे दणकट गाड्यांचे शौकिन असणाऱ्यांचा महिंद्राच्या गाड्यांना मजबूत प्रतिसाद लाभतो. महिंद्राची XUV 700 या मजबूत गाडीचे बुकिंग सुरू होताच एक नवा विक्रम झाला आहे. ७ ऑक्टोबर रोजी २५ हजार लोकांनी XUV700 ५७ मिनिटात बुक केले. दोन दिवसात हाच आकडा ५० हजारांवर पोहचला. आता महिंद्राकडून या गाडीसाठीचे बुकिंग काही काळासाठी बंद करण्यात आले आहे. कंपनीने सांगितले की एक्सयूव्ही ७०० पहिल्या दिवशी ११.९९ लाखांच्या सुरुवातीच्या किंमतीत विकली गेली.

महिंद्रा एक्सयूव्ही ७००ला विक्रमी प्रतिसाद…एका दिवसात ५० हजारांची किंमतवाढ!

७ ऑक्टोबर रोजी २५ हजार लोकांनी एक्सयूव्ही ७०० सत्तावन्न मिनिटात बुक केले होते.
त्याचे दोन दिवसात ५० हजार बुकिंग झाले आहे.
आता ऑटोमोबाईल कंपनीचे बुकिंग काही काळासाठी बंद करण्यात आले आहे.
कंपनीने सांगितले की एक्सयूव्ही ७०० पहिल्या दिवशी ११.९९ लाखांच्या किंमतीत विकले गेले.
त्या दुसऱ्या दिवशी एक्स-शोरूमची किंमत १२.४९ लाख रुपये करण्यात आली.

महिंद्रा एक्सयूव्ही ७०० मध्ये पाच किंवा सात जागा!

महिंद्राची नवीन एसयूव्ही पाच आणि सात आसनी प्रकारात येते.
कंपनी त्यात डिझेल आणि पेट्रोल इंजिनचे पर्याय देत आहे.
हे मॅन्युअल आणि स्वयंचलित ट्रांसमिशनसह खरेदी केले जाऊ शकते.
महिंद्रा एक्सयूव्ही ७०० मध्ये एमएचएडब्ल्यूके आणि स्टॅलियन इंजिनचा पर्याय आहे.
२.२ लीटर एमएचएडब्ल्यूके इंजिन दोन ट्यूनसह येते.
हे इंजिन ३६० एनएम टॉर्कसह १५५ पीएस ची शक्ती निर्माण करते.
एक्सयूव्हीचे उच्च ट्यून केलेले डिझेल इंजिन मॅन्युअल व्हेरियंटमध्ये ४२० एनएम टॉर्कसह १८५ पीएसची पॉवर देते. त्याच्या स्वयंचलित प्रकारात ४५० एनएम टॉर्क आहे.

महिंद्रा एक्सयूव्ही ७००चे हायटेक फिचर्स!

महिंद्रा एक्सयूव्ही ७०० चे दोन्ही इंजिन ६ स्पीड ट्रान्समिशनसह येतात.
कंपनीने एमएक्स आणि एएक्स व्हेरिएंट लाँच केले आहेत.
एंट्री लेव्हल मॉडेलसाठी एमएक्स ठेवले आहे. तर एएक्स मध्ये अनेक उत्तम वैशिष्ट्ये आहेत.
यामध्ये १०.२५ इंच डिस्प्ले, वायरलेस ऍपल कार प्ले, अलेक्सा व्हॉईस ऑपरेशन, पॅनोरामिक सनरूफ आणि बाजूला एअरबॅगचा समावेश आहे.