दातृत्वाचा आनंदोत्सव…कचरा वेचक गायकांना महिंद्रांची मदत

मुक्तपीठ टीम

महिंद्रा ग्रुपचे चेअरमन आनंद महिंद्रा हे सोशल मीडियावर नेहमीच सक्रिय असतात. महिंद्रा त्यांच्या ट्रविटर अकाऊंटवरून ते नेहमी त्यांना भावलेली एखादी पोस्ट किंवा योजना शेअर करत असतात. महिंद्रा यांनी ट्विटरच्या माध्यमातून अनेक गरजूंना मदत केली आहे. नुकताच आनंद महिंद्रा यांनी ट्विटरवरून कचरा वेचणाऱ्या दोन भावांच्या गाण्याचा व्हिडीओ शेअर केला आहे. या दोघांच्या गाण्याच्या कौशल्याने प्रभावित झालेल्या महिंद्रा यांनी स्वतः हा व्हिडीओ ट्विटरवर शेअर केलाच. पण हे करून ते थांबले नाहीत. त्यांनी या दोन भावांच्या टॅलेंटला वाव देण्यासाठी सोयही उपलब्ध करून दिली आहे. या दोघांना मदत करण्यासाठी लोकांनी संगीत शिक्षकांची माहिती द्यावी, असं आवाहन महिंद्रा यांनी केलं आहे.

Incredible India. My friend Rohit Khattar shared these posts which he received on social media. Two brothers, Hafiz & Habibur, are hard-working garbage collectors in New Friends Colony in Delhi. Clearly, there are no limits to where talent can spring from. (1/2) pic.twitter.com/vK0IQpGUoQ

— anand mahindra (@anandmahindra) February 20, 2021

आनंद महिंद्रा यांनी याबाबत दोन ट्वीट केले आहेत. पहिल्या ट्वीट मध्ये त्यांनी लिहिलं आहे की, ‘अतुल्य भारत! माझा मित्र रोहित खट्टरने ही पोस्ट सोशल मीडियावर शेअर केली आहे. हफिज आणि हबीबुर हे दोघे दिल्लीमध्ये न्यू फ्रेंड्स कॉलनीमध्ये कचरा गोळा करण्याचं काम करतात. प्रतिभेला कुठलीच सीमा नसते, हे यांच्याकडे पाहून समजतं. ती कुठेही उदयास येऊ शकते’.

पुढे दुसरे ट्वीट करत आनंद महिन्द्रांनी लिहिलंय की, ‘त्यांची प्रतिभा ही स्पष्ट आहे, पण अजून कच्ची आहे. मी आणि रोहित त्यांच्या या कलेला वाव देऊ इच्छितो. दिल्लीमध्ये संध्याकाळच्या वेळी त्यांना ट्रेनिंग देऊ शकेल अशा संगीत शिक्षकाची माहिती कोणी मला देऊ शकेल का? कारण दिवसभर ते दोघं काम करत असतात.’

Their talent is raw, but obvious. Rohit & I would like to support their further training in music. Could anyone in Delhi share any information regarding a possible music teacher/voice coach who could tutor them in the evenings, since they work all day? (2/2) pic.twitter.com/sV4rHAqcDZ

— anand mahindra (@anandmahindra) February 20, 2021

आनंद महिंद्रांच्या या निर्णयाचं लोकांनी खूप कौतुक केलं. त्याबरोबर या दोघांसाठी गाण्याचा शिक्षक मिळवून देणाऱ्या काही कमेंट्सही आल्या आहेत.

पाहा व्हिडीओ: