राज्य मंत्रिमंडळाचे खातेवाटप जाहीर, गृह फडणवीसांकडे! चंद्रकांतदादांचं महसूल विखे-पाटलांकडे, मुनगंटीवारांचं अर्थही गेलं! दादा भुसेंचं कृषी सत्तारांना!

मुक्तपीठ टीम

राज्य मंत्रिमंडळातील नवनियुक्त मंत्र्यांचे खातेवाटप मुख्यमंत्री एकनाथ शिंदे यांनी जाहीर केले आहे.

त्यानुसार मुख्यमंत्र्यांकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, सार्वजनिक बांधकाम(सार्वजनिक प्रकल्प), परिवहन, पणन, सामाजिक न्याय व विशेष सहाय्य, मदत व पुनर्वसन, आपत्ती व्यवस्थापन, मृद व जलसंधारण, पर्यावरण व वातावरणीय बदल, अल्पसंख्याक व औकाफ तसेच इतर कोणत्याही मंत्र्यांना वाटप न केलेले विभाग आणि उपमुख्यमंत्री देवेंद्र फडणवीस यांच्याकडे गृह, वित्त व नियोजन, विधी व न्याय, जलसंपदा व लाभक्षेत्र विकास, गृहनिर्माण, ऊर्जा, राजशिष्टाचार ही खाती असतील.

राज्यपाल भगतसिंग कोश्यारी यांनी मंजुरी दिल्यानंतर हे खातेवाटप जाहीर करण्यात आले आहे.

इतर १८ मंत्र्यांची खाती पुढीलप्रमाणे आहेत:

१) सर्वश्री राधाकृष्ण विखे-पाटील –
महसूल, पशुसंवर्धन आणि दुग्धविकास

२) सुधीर मुनगंटीवार-
वने, सांस्कृतिक कार्य, व मत्स्य व्यवसाय

३) चंद्रकांत पाटील-
उच्च व तंत्रशिक्षण, वस्त्रोद्योग आणि संसदीय कार्य

४) डॉ. विजयकुमार गावित-
आदिवासी विकास

५) गिरीष महाजन-
ग्राम विकास आणि पंचायती राज, वैद्यकीय शिक्षण, क्रीडा व युवक कल्याण

६) गुलाबराव पाटील-
पाणीपुरवठा व स्वच्छता

७) दादा भुसे-
बंदरे व खनिकर्म

८) संजय राठोड-
अन्न व औषध प्रशासन

९) सुरेश खाडे-
कामगार

१०) संदीपान भुमरे-
रोजगार हमी योजना व फलोत्पादन

११) उदय सामंत-
उद्योग

१२) प्रा.तानाजी सावंत-
सार्वजनिक आरोग्य व कुटुंब कल्याण

१३) रवींद्र चव्हाण –
सार्वजनिक बांधकाम (सार्वजनिक उपक्रम वगळून), अन्न व नागरी पुरवठा व ग्राहक संरक्षण

१४) अब्दुल सत्तार-
कृषी

१५) दीपक केसरकर-
शालेय शिक्षण व मराठी भाषा

१६) अतुल सावे-
सहकार, इतर मागास व बहुजन कल्याण

१७) शंभूराज देसाई-
राज्य उत्पादन शुल्क

१८) मंगलप्रभात लोढा-
पर्यटन, कौशल्य विकास व उद्योजकता, महिला व बालविकास