मुक्तपीठ टीम
मनसेचे अध्यक्ष राज ठाकरे यांच्या मशिदीवरील भोंग्यातून नमाजाविरोधातील इशाऱ्यानंतर महाराष्ट्र मुस्लिम काउंसिलने मोठा निर्णय घेतला आहे. राज्यात शांतता, सलोखा राखण्यासाठी मुस्लिम विचारवंतांनी अजान, लाऊडस्पीकरबाबत सर्वोच्च न्यायालयाच्या सुचनांचं पालन करण्यासाठी प्रयत्न करण्याचा महत्वाचा निर्णय घेतला आहे. मुंबईतील बोरिबंदर येथील अंजुमन इस्लाम शाळेतील ग्रंथालयात यासाठी बैठक पार पडली.
सर्वोच्च न्यायालयाच्या मार्गदर्शक तत्त्वांचे पालन करणार!
- या बैठकीत मुस्लिम समुदायातील विचारवंत, कार्यकर्त्यांसह महाराष्ट्र मुस्लिम काउंसिलचे सदस्य उपस्थित होते.
- आता महाराष्ट्र मुस्लिम काउंसिलचे कार्यकर्ते आणि या दरम्यान ते सर्वोच्च न्यायालयाच्या मार्गदर्शक तत्त्वांचे पालन करणार आहेत.
- त्यानुसार, आवाजाची पातळी दिवसा ५५ डेसिबल आणि रात्री ४५ डेसिबल पातळी राखण्याची विनंती करणार असल्याची माहिती महाराष्ट्र मुस्लिम परिषदेचे प्रतिनिधी आणि शिक्षण तज्ज्ञ सलीम अल्वारे यांनी दिली.
राजकीय फायद्यासाठी एका समाजाला लक्ष्य केले जाऊ नये!
- गेल्या चार-पाच वर्षांपासून आमचे सदस्य हे प्रश्न मांडत आहेत. मात्र कोणताही बदल दिसून आला नाही.
- मात्र, सद्यस्थिती पाहून हा मुद्दा पुन्हा उचलून धरणार आहोत.
- शहरात सुधारणा घडवून आणणे आणि शहरातील कायदा व सुव्यवस्था राखणे हे सर्वांचे काम आहे.
- राजकीय फायद्यासाठी एका समाजाला लक्ष्य केले जाऊ नये.
- पण कायदा प्रत्येक समाजासाठी समान असला पाहिजे, अशी भूमिका अखिल भारतीय मिली काउंसिल ऑफ महाराष्ट्रचे सरचिटणीस एम.ए. खालिद यांनी व्यक्त केली.
राज ठाकरेंनी भडक वक्तव्यापेक्षा चर्चा केली असती तर बरं झालं असतं!
- राज ठाकरे यांचा मुस्लिम समाजातील लोकांशी चांगला संपर्क होता.
- एनआरसी आणि सीएए मुद्द्यावरून आम्ही त्यांना यापूर्वी दोनदा भेटलो होतो.
- त्यांनी भडक वक्तव्य करण्यापेक्षा त्यावर बैठक बोलावून चर्चा केली असती तर बरे झाले असते असेही महाराष्ट्र मुस्लिम काउंसिलने म्हटले.
- आमच्या कुराण आणि हदीसमध्ये मार्गदर्शक तत्त्वे आहेत, त्यानुसार सुधारणा घडवून आणण्याचा प्रयत्न सुरू असल्याचे त्यांनी म्हटले.
Subscribe
