गॅस सिलिंडर कसा स्वस्तात मिळवता येईल? जाणून घ्या...

मुक्तपीठ टीम

लोकांना बर्‍याच काळापासून खात्यात एलपीडी सबसिडी मिळत नव्हती. याचे कारण सिलिंडरच्या किंमती कमी झाल्या असे सांगण्यात आले होते. मात्र, गेल्या काही महिन्यांपासून पुन्हा सिलिंडरचे दर वेगाने वाढल्या आहेत. आता गॅस सिलिडरचा दर हा ८१९ रुपये झाला आहे. त्यामुळेच ज्या लोकांना सबसिडी मिळत होती अशांना पैसे मिळू शकतात.

सबसिडी १४.२ केजी सिलिंडरबद्दल जर आपण चर्चा केली तर नोव्हेंबर २०२० मध्ये घरगुती गॅस सिलिंडर्सचे दर आता ५९४ रुपये झाले आहेत. अशा परिस्थितीत ज्या लोकांना सबसिडी मिळत आहे, त्यांना हे पैसे मिळू शकतात. जर आपले आधार खाते बँक खात्याशी जोडलेले नसेल (ज्यावर सबसिडी येईल), तर आपण हे काम त्वरित करावे.

एलपीजी कनेक्शन आधारशी जोडले जाणे आवश्यक आहे:

घरगुती एलपीजी सिलिंडरमध्ये अनुदानाच्या बाबतीत, आणखी एक महत्त्वाची बाब म्हणजे आपले बँक खाते आधारशी लिंक नसेल तर आपणास सबसिडीची रक्कम मिळणार नाही. सबसिडी मिळण्यासाठी, आधार बँक खात्याशी लिंक करणे आवश्यक आहे.

एलपीजी सबसिडी कोणाला मिळते आणि कोणाला नाही?

असे नाही की सर्वांनाच सबसिडी दिली जाते. जर एखाद्याचे वार्षिक उत्पन्न १० लाख रुपये किंवा त्याहून अधिक असेल तर ती व्यक्ती गॅस सिलिंडरवर अनुदान मिळण्यास पात्र नाही.
दुसरी महत्त्वाची गोष्ट म्हणजे आपल्या वार्षिक उत्पन्नाची गणना पत्नी / पतीमध्ये मिसळून केली जाईल. जर त्या दोघांचे वार्षिक उत्पन्न ही मर्यादा ओलांडत असेल तर आपण घरगुती गॅस सिलिंडर अनुदानास पात्र ठरणार नाही.

किती मिळेल एलपीजी सबसिडी ?

घरगुती गॅस सिलिंडरवर मिळणारी सबसिडीची रक्कम वाढविण्यात आली आहे. आता सबसिडी ची रक्कम १५३.८६ रुपयांवरून २९१.४८ रुपयांवर गेली आहे. त्याचप्रमाणे पंतप्रधान उज्ज्वला योजनेंतर्गत मिळणारी सबसिडीची रक्कमही १७४.८६ रुपयांवरून ३१२.४८ रुपयांवर गेली आहे. आपणास सबसिडी मिळाल्यास गॅस सिलिंडरवर सुमारे ३०० रुपयांची निश्चित बचत होईल.

सबसिडी मिळत आहे की नाही, घरी बसून असे तपासा

सर्व प्रथम, आपण इंडियन ऑइलच्या वेबसाइट https://cx.indianoil.in/ वर जा
यानंतर तुम्हाला गॅस कंपनीचा गॅस सिलिंडरचा फोटो दिसेल त्यावर क्लिक करा.
यानंतर आपण सबसिडी रिलेटेड पर्यायावर क्लिक करा. त्यानंतर तुम्हाला सबसिडी नॉट रिसीव्हवर क्लिक करावे लागेल.
आता आपल्याला आपला नोंदणीकृत मोबाइल नंबर आणि एलपीजी आयडी भरावा लागेल
यानंतर याची पडताळणी करुन ते सबमिट करा
असे केल्यावर आपल्याला संपूर्ण माहिती दिसेल
जर आपण गॅस बुक केला असेल आणि सबसिडीची रक्कम मिळाली नसेल तर फीडबॅक बटणावर क्लिक करा
येथून आपण सबसिडी ची रक्कम न मिळाल्याची तक्रार देखील दाखल करू शकता.
या व्यतिरिक्त, जर आपण अद्याप आपल्या खात्यासह एलपीजी आयडी लिंक केलेला नसेल तर आपण वितरकाकडे जा आणि आपले काम पूर्ण करा.
आपण 18002333555 वर कॉल करून देखील तक्रार नोंदवू शकता.