एन.डी.पाटील: जीवन समाजासाठी, सतत संघर्ष सामान्यांसाठी! आपल्या मातीतील, आपलं आदर्शवादी नेतृत्व!

मुक्तपीठ टीम

ज्यांचं जीवन हे समाजासाठीच होतं. ज्यांचं जीवन हे माती आणि मातीतील माणसांसाठीच्या उत्थानासाठीच होतं आणि शेवटच्या श्वासापर्यंतही जर ज्यांना सामान्या माणसाच्या कल्याणाची आस होती ते आपल्या मातीतील, आपलं नेतृत्व म्हणजे एन.डी.पाटील! महाराष्ट्रानं आज राजकारण समाजकारणातील आदर्शवादी, संघर्षशील असं टोलेजंग नेतृत्व गमावलं. त्यांच्या महान जीवन कार्याचा हा अगदीच त्रोटक परिचय…

शेतकरी कुटुंबात जन्मलेला लढाऊ नेता

एन. डी पाटील यांचा जन्म १५ जुलै १९२९ रोजी झाला. सांगली जिल्ह्यातील नागावमधील ढवळी येथे एका शेतकरी कुटुंबात त्यांचा जन्म झाला होता.
एन.डी. पाटील यांचं पूर्ण नाव नारायण ज्ञानदेव पाटील असं होतं.
त्यांनी अर्थशास्त्रात विषयातून एम.ए चे शिक्षण घेतलं होतं.
त्यानंतर पुणे विद्यापीठातून एल.एल.बी चे शिक्षण पूर्ण केलं होतं.

एन.डी. पाटील यांचे शैक्षणिक कार्य

एन.डी. पाटील यांनी १९५४-१९५७ छत्रपती शिवाजी कॉलेज,सातारा येथे प्राध्यापक तसेच ‘कमवा व शिका’ या योजनेचे प्रमुख व रेक्टर म्हणून त्यांनी काम केलं.
१९६० मध्ये कर्मवीर भाऊराव पाटील कॉलेज,इस्लामपूर येथे प्राचार्य म्हणून कामं केलं.
शिवाजी विद्यापीठ, रयत शिक्षण संस्था, दक्षिण महाराष्ट्र शिक्षण प्रसारक मंडळ या शिक्षण संस्थांमध्ये विविध पदांवर त्यांनी काम केलंय.

राजकीय कारकिर्द

एन.डी पाटील यांनी १९४८ शेतकरी कामगार पक्षातून राजकीय कार्यास सुरुवात केली.
१९५७ मध्ये ते मुंबई गिरणी कामगार संघटनेचे सरचिटणीस ते होते.
१९६० ते ६६,१९७० ते ७६,१९७६ ते ८२ अशी १८ वर्षे महाराष्ट्र विधान परिषदेचे सदस्य होते.
१९६९ते १९७८, १९८५ ते २०१० दरम्यान ते शेकापचे सरचिटणीस होते.
१९७८ ते १९८० मध्ये ते सहकारमंत्री होतेय
१९८५ ते १९९० काळात महाराष्ट्र विधानसभा सदस्य होते.
१९९९ ते २००२ दरम्यान ते राज्यातील लोकशाही आघाडीचे निमंत्रक होते.
अखेरपर्यंत ते सीमाप्रश्नावर आग्रही होते.
महाराष्ट्र राज्य सीमा प्रश्न समितीचे सदस्य व सीमा चळवळीचे प्रमुख नेते होते.