मलिक, यशवंत जाधवांनंतर सोमय्याचं ठाकरे- सोनिया गांधी लक्ष्य!

मुक्तपीठ टीम

शिवसेना आणि राष्ट्रवादी काँग्रेसनंतर आता भाजपा नेते किरीट सोमय्यांनी काँग्रेसला लक्ष्य केले आहे. किरीट सोमय्या हे शुक्रवारी मुंबईत आयोजित करण्यात आलेल्या पत्रकारपरिषदेत बोलत होते. यावेळी त्यांनी मुख्यमंत्री उद्धव ठाकरे आणि काँग्रेसच्या अध्यक्षा सोनिया गांधी यांच्यासाठी मनी लॉन्ड्रिग करणारा एकच माणूस आहे, असा गंभीर आरोप केला आहे.

ठाकरे आणि सोनिया गांधींचे संबंध यशवंत जाधव यांनी घोषित केले…

भाजप नेते किरीट सोमय्या बोलताना म्हणाले की “यशवंत जाधव ज्या पद्धतीने मनी लॉन्ड्रिग करतात, त्याच पद्धतीनं उद्धव ठाकरेंचा परिवारही त्याच मार्गावार गेला आहे.
उद्धव ठाकरेंनी मे २०२० मध्ये निवडणुकीसाठी अर्ज दाखल केल्यानंतरच ही गोष्ट सुरु झाली.
विधानपरिषदेसाठी अर्ज दाखल करताना मालमत्ता दाखवताना उद्धव ठाकरेंनी १९ बंगले लपवले होते.
यामिनी जाधव यांनीही अर्ज सादर करताना कोट्यावधी रुपयांची मालमत्ता लपवली.
याची माहिती आमच्यासारख्या कार्यकर्त्यांनी दिली.
अर्ज सादर केल्यानंतर आपोआप तो आयकर विभागाकडे जातो.
प्रधान डेवलपर्स नावाच्या शेल कंपनीद्वारे यशवंत जाधव यांनी १५ कोटी रुपये मिळवले.
उद्धव ठाकरे आणि सोनिया गांधींचे संबंध यशवंत जाधव यांनी घोषित केले.

महावार हा गांधी परिवाराचाही हवाला ऑपरेटर!

“उदय शंकर महावार हा गांधी परिवाराचाही हवाला ऑपरेटर आहे.
सोनिया गांधी परिवाराचे मनी लॉन्डिरग करणारा उदय महावार आहे.
गांधी परिवारानेच उद्धव ठाकरेंसोबत त्यांची भेट घालून दिली असेल.
त्यानंतर उद्धव ठाकरेंनी मनपाचे फंड गोळा करणारे यशवंत जाधव यांच्यासोबत भेट करुन दिली असेल या बद्दल माहिती नाही.
सोनिया गांधीच्या नॅशनल हेरॉल्डमध्ये मनी लॉन्डिरग उदय शंकर महावारने केले आहे.
ज्या कंपनीला शेल कंपनी घोषित करण्यात आले त्यांना पैसे देऊन यशवंत जाधव यांच्या परिवाराने पैसे देऊन चेक घेतले आणि त्यावर तीन कंपन्या तयार करण्यात आल्या.

१५ कोटी रुपये यशवंत जाधव यांच्या खात्यामध्ये…

“उदय महावार यांनी सांगितलं आहे की, यशवंत जाधव यांचा माणूस पैसे द्यायचा.
ते आम्ही बॅंकेत टाकत होतो आणि तो व्यक्ती चेक घेऊन जात होता.
१५ कोटी रुपये यशवंत जाधव यांच्या खात्यामध्ये यायचे आणि त्याताली काही पैसा परदेशात पाठवण्यात आला.
ही माहिती प्राप्तिकर विभागाला मिळाली.
त्यानंतर सर्वांकडे गेले अनेक महिने आम्ही याचा पाठपुरावा करत आहोत.
त्यानंतर आज कारवाई सुरु केली आहे.