किकू शारदाच्या मुलाचं रॉकसाँग, कपिल शर्माही झाला फॅन !

मुक्तपीठ टीम

‘द कपिल शर्मा’ शोमधील सर्वांना हसवणारा कलाकार म्हणजे किकू शारदा. तो वेगवेगळ्या भूमिका साकारून प्रेक्षकांचे मनोरंजन करत असतो. सध्या तो स्वत:मुळे नाही तर त्याच्या मुलामुळे चर्चेत आहे. किकूने त्याच्या मुलाचा एक व्हिडीओ शेअर केला आहे. अवघ्या १२ वर्षाच्या मुलाचे कलागुण पाहून त्याच्यावर कौतुक आणि शुभेच्छांचा वर्षाव होत आहे.

कपिल शर्मा आणि मनोज वाजपेयी सारख्या कलाकारांनीही त्याचे भरभरून कौतुक केले आहे. कपिल किकूने शेअर केलेल्या ट्विटला रिप्लाय दिला आहे की, “हे खूपच सुंदर आहे, किक्स, शौर्यला सांग की, आम्हाला त्याचा अभिमान आहे. प्रेम आणि टॅलेंट कितीही लपवले तरी लपत नाही. तो रॉकस्टार आहे.” असे म्हणत कपिलने त्याचे कौतुक केले. तर मनोज वाजपेयी सारख्या सुप्रसिद्ध कलाकाराने, “वाव, तुझ्या घरात खरे टॅलेंट आहे. तुझ्या छोटूला खूप शुभेच्छा.” असे म्हणत त्याचे कौतुक केले.

Sharing my 12 year olds song,,,,please show him some love 🙏🏻❤️. Shaurya Sharda – This Is The Day (Official Music Audio) https://t.co/GXGWc6XXyF via @YouTube

— kiku sharda 🇮🇳 (@kikusharda) April 11, 2021

शौर्य शारदा याने एक रॅप गायले आहे. त्याने त्याचे हे रॅप सॉन्ग युट्यूबलाही अपलोड केले आहे. त्याच्या वडिलांनी त्याचा हा व्हिडीओ आपल्या ट्विटर अकाउंटवर शेअर करत लिहिले आहे की, “मी माझ्या १२ वर्षीय मुलाचा एक व्हिडीओ शेअर करत आहे. त्याच्या या व्हिडीओवर खूप खूप प्रेम करा.”