मुक्तपीठ टीम
आगामी कल्याण-डोबिंवली मनपाच्या पार्श्वभूमीवर राष्ट्रवादी काँग्रेस सक्रिय झाली आहे. याच धर्तीवर राष्ट्रवादीने मित्रपक्ष शिवसेनासह भाजप, एमआयएमला धक्का दिला आहे. शिवसेना, भाजपा, एमआयएमचे पाच नगरसेवक, दोन माजी नगरसेवक आणि या पक्षाच्या १५० हून अधिक पदाधिकारी, कार्यकर्त्यांनी गुरुवारी राष्ट्रवादी काँग्रेसमध्ये प्रवेश केला.हा प्रवेश मंत्री जितेंद्र आव्हाड यांच्या उपस्थितीत झाला.
कल्याण डोंबिवलीत राष्ट्रवादीत जोरदार इनकमिंग!
- अपक्ष नगरसेवक कुणाल पाटील, शिवसेनेच्या नगरसेविका उर्मिला गोसावी, भाजपच्या नगरसेविका सुनीता खंडागळे, एमआयएमच्या नगरसेविका तन्झिला अयाज मौलवी, नगरसेवक फैजल जलाल यांनी राष्ट्रवादी काँग्रेसमध्ये प्रवेश केला.
- एमआयएमच्या तन्झिला मौलवी व त्यांच्या ९० हून अधिक कार्यकर्त्यांनी राष्ट्रवादी काँग्रेसमध्ये प्रवेश केला.
- यावेळी राष्ट्रवादीचे कल्याण जिल्हाध्यक्ष जगन्नाथ शिंदे, प्रदेश नेते प्रमोद हिंदूराव, आनंद परांजपे, कार्याध्यक्ष डॉ. वंडार पाटील, प्रवक्ते महेश तपासे उपस्थित होते.
Subscribe
