झारखंडमध्ये सरकार पाडण्यासाठी भाजपाचे महाराष्ट्रातून कनेक्शन! राष्ट्रवादीचा आरोप!

मुक्तपीठ टीम

झारखंडमधील सरकार पाडण्यासाठी भाजप नेते प्रयत्न करत आहेत. यामध्ये भाजप नेते आणि माजी मंत्री चंद्रशेखर बावनकुळे यांचे नाव समोर आले असून झारखंड पोलिसांनी दाखल केलेल्या एफआयआरमध्ये बावनकुळे यांच्यासह भाजप नेते मोहित कंबोज यांचंही नाव असल्याचा गौप्यस्फोट राष्ट्रवादीचे प्रवक्ते नवाब मलिक यांनी केला आहे.

नवाब मलिक यांचा गौप्यस्फोट

• मुंबईत आयोजित पत्रकार परिषद घेत नवाब मलिक यांनी हा गौप्यस्फोट केला आहे.
• एकीकडे महाराष्ट्रात अतिवृष्टी, दरडी कोसळून नागरिकांचे बळी जात असताना दुसरीकडे मात्र भाजप झारखंडमधील सरकार पाडण्याचा प्रयत्न करत आहे.
• भाजपचे माजी मंत्री चंद्रशेखर बावनकुळे हे आमदार फोडण्यासाठी झारखंडला गेले होते.
• या संदर्भात पोलिसांनी दाखल केलेल्या एफआयआरमध्ये चंद्रशेखर बावनकुळे, मोहित कंबोज यांची नावे आली आहेत.
• अभिषेक दुबे या पत्रकाराला झारखंडमध्ये अटक केल्यानंतर त्याच्या पोलीस चौकशीतून हा धक्कादायक खुलासा समोर आल्याचे नवाब मलिक यांनी सांगितले.
• दरम्यान हा पत्रकार तीन आमदारांशी संपर्कात होता.
• या आमदारांशी डील करण्यासाठी महाराष्ट्रातील भाजपचा एक माजी मंत्री देखील गेला असल्याचा आरोप नवाब मलिक यांनी केला.
• तसेच २१ जुलै रोजी भाजपचे महाराष्ट्रातील पदाधिकारी मोहीत कंबोज, अमित यादव, आशुतोष ठक्कर हे लोक पैसे घेऊन झारखंड येथे दाखल झाले.
• मात्र पोलिसांची कुणकुण लागल्यानंतर या लोकांनी तिथून पळ काढला.
• आमदार फोडाफोडीच्या या कार्यक्रमाची चौकशी करण्यासाठी झारखंड सरकारने एसआयटीची तीन पथके स्थापन केली असून यापैकी एक पथक झारखंडमध्ये, तर दुसरे दिल्लीत आणि तिसरे पथक महाराष्ट्रात तपासासाठी येणार आहे.
• महाराष्ट्रातील दोन आमदारांचा देखील त्यात समावेश असल्याचे सांगण्यात येत आहे.
• झारखंडची एसआयटी टीम महाराष्ट्रात आल्यानंतर त्यांना पुर्ण सहकार्य केले जाईल.
• राज्यात पूरपरिस्थितीमुळे लोक दुःखात असताना भाजपचे लोक झारखंडचे आमदार फोडण्यासाठी पैसे घेऊन जात आहेत.
• एका – एका आमदारासाठी कोट्यवधी रुपयांचे आमिष दाखविण्यात आले.
• पूरपरिस्थितीत हेच पैसे लोकांच्या मदतीसाठी देता आले असते, मात्र झारखंडचे सरकार पाडण्यासाठी भाजपची यंत्रणा काम करत आहे.
• कर्नाटक सरकार पाडत असताना मुंबई कनेक्शन दिसून आले होते.
• आता झारखंड सरकार पाडतानाही महाराष्ट्र कनेक्शन समोर आले आहे.
• लोकशाहीला डावलून सरकार स्थापन करण्याचे भाजपचे कारस्थान आता समोर आले असून झारखंड पोलीस नक्कीच याचा तपास करतील.
• यावेळी नवाब मलिक यांनी माजी मंत्री चंद्रशेखर बावनकुळे यांचे नाव पत्रकार अभिषेक दुबे यांनी पोलीस चौकशीत उघड केले आहे.
• यामुळे पैशांचा घोडेबाजार करुन झारखंड सरकार बदलण्याचा डाव उघड झाला आहे.
• महाराष्ट्रात ऑपरेशन लोटस होणार नाही.
• भाजपला ते शक्य नाही असेही नवाब मलिक यांनी भाजपला ठणकावून सांगितले आहे.