उल्हासनगरात जयंत पाटील यांचा ‘करेक्ट कार्यक्रम’; राजकीय भूकंप

मुक्तपीठ टीम

आज उल्हासनगर शहरात मोठी राजकीय उलथापालथ झाली असून माजी आमदार पप्पू कलानी यांच्या सूनबाई आणि उल्हासनगर महापालिकेच्या माजी महापौर पंचम ओमी कलानी यांनी नगरसेवकपदाचा राजीनामा दिल्यानंतर टीम कलानीच्या २२ नगरसेवकांनी राष्ट्रवादीचा झेंडा हाती धरला आहे. मंत्री जितेंद्र आव्हाड यांच्या उपस्थितीत ठाण्यात हा पक्षप्रवेश झाला.

उल्हासनगरातून भाजपचा सुपडा साफ; टीम ओमी कलानी आणि 21 नगरसेवकांसह 114 जणांची राष्ट्रवादी काँग्रेस पक्षामध्ये जाहीर प्रवेश…@PawarSpeaks @AjitPawarSpeaks @Jayant_R_Patil @supriya_sule pic.twitter.com/E75xbA2O5S

— Dr.Jitendra Awhad (@Awhadspeaks) October 27, 2021

दोन दिवसापूर्वी राष्ट्रवादी काँग्रेसचे प्रदेशाध्यक्ष आणि राज्याचे जलसंपदा मंत्री जयंत पाटील यांनी उल्हासनगरचा दौरा केला होते. भाजपचे अनेक लोक राष्ट्रवादी काँग्रेसमध्ये येतील असा सुतोवाच त्यांनी केले होते. त्यानंतर आज मंत्री जितेंद्र आव्हाड यांच्या उपस्थितीत हा पक्षप्रवेश संपन्न झाल्याने मंत्री जयंत पाटील आले आणि ‘करेक्ट कार्यक्रम’ करून गेले अशी चर्चा उल्हासनगर शहराच्या राजकिय वर्तुळात सुरू आहे.