ईडीच्या तडाख्यात बॉलिवूड! सुकेश चंद्रशेखरच्या प्रकरणात जॅकलिनही आरोपी!!

मुक्तपीठ टीम

अभिनेत्री जॅकलिन फर्नांडिसच्या अडचणीत वाढ झाली आहे. सुकेश चंद्रशेखर प्रकरणात अंमलबजावणी संचालनालयाने (ईडी)दाखल केलेल्या आरोपपत्रात जॅकलिन फर्नांडिसचे नाव आरोपी म्हणून ठेवण्यात आले आहे. सुकेश चंद्रशेखर खंडणी वसुल करणार याची जॅकलिनला माहिती होती असा दावा ईडीने केला आहे. जॅकलिनला याप्रकरणी अद्याप अटक झालेली नाही. कारण आतापर्यंत न्यायालयाने आरोपपत्राची दखल घेतली नसली तरी तिला देशाबाहेर जाण्याची परवानगी दिली जाणार नाही.

नेमकं काय आहे प्रकरण?

• सुकेश चंद्रशेखरवर २०० कोटी रुपयांची उधळपट्टी केल्याचा आरोप आहे.
• या प्रकरणाच्या तपासात सुकेशने जॅकलिनला महागड्या भेटवस्तू दिल्याचे समोर आले आहे.
• त्यानंतर ईडीने त्याच्यावर कारवाई करत त्याची ७ कोटी रुपयांची संपत्तीही जप्त केली आहे.
• सुकेश चंद्रशेखरची सहकारी पिंकी इराणी हिने सुकेशला जॅकलीनला भेटायला लावल्याचेही आरोपपत्रात उघड झाले आहे.
• सुकेश चंद्रशेखरने पिंकी इराणीच्या मदतीने जॅकलिनला महागड्या भेटवस्तू आणि रोख रक्कम दिली होती.

जॅकलिनवरील आरोप

• सुकेश चंद्रशेखरने डिसेंबर २०२० ते जानेवारी २०२१ या कालावधीत जॅकलीन फर्नांडिसशी संपर्क साधण्याचा प्रयत्न केला, परंतु अभिनेत्रीने त्यांच्या कॉलला प्रतिसाद दिला नाही.
• जॅकलिनने आरोप केला होता की सरकारी कार्यालयातील कोणीतरी तिच्याशी संपर्क साधला आणि तिला शेखर रत्नवेला म्हणून ओळखत असलेल्या सुकेश चंद्रशेखरशी संपर्क साधण्यास सांगितलं होतं.

सुकेशने दाकवली चुकीची ओळख

• अभिनेत्रीने पुढे सांगितले की, जेव्हा तिने सुकेशशी संपर्क साधला तेव्हा त्याने स्वतःला त्याच्या कुटुंबासह सन टीव्हीचा मालक असल्याचे सांगितले.
• आपण जयललिता यांच्या राजकीय कुटुंबातील असून त्या चेन्नई येथील असल्याचेही त्यांनी सांगितले.
• जॅकलिन म्हणाली, सुकेश म्हणाला होता की तो माझा खूप मोठा चाहता आहे, आणि मी दाक्षिणात्य चित्रपट करावेत आणि सन टीव्हीच्या रूपाने त्याच्याकडे अनेक प्रोजेक्ट्स आहेत.
• तेव्हापासून दोघेही संपर्कात आले होते.