मुक्तपीठ टीम
भारतात टिक टॉकवर बंदी घातल्यानंतर इंस्टाग्राम रील्स हे एक शॉर्ट व्हिडीओ प्लॅटफॉर्म म्हणून वेगाने उदयास आले आहे. तरूणांपासून ते मोठ्या वयोगटातील लोकांसाठी इंस्टाग्रामचा रील्स फिचर कमाईचे एक मोठे साधन बनले आहे. इंस्टाग्राम यूजर्समध्ये रील फिचर खूप लोकप्रिय आहे. मेटाच्या मालकीच्या कंपनीने आता इंस्टाग्राम रील्स बनवणाऱ्यांसाठी अतिरिक्त पैसे कमवण्यासाठी एक उत्तम योजना आणली आहे.
रील बनवून लाखो रूपये कमवण्याची संधी!
- इंस्टाग्रामवर रिल्स बनवणाऱ्यांसाठी एक खास ऑफर आणली आहे, जेणेकरून दिवाळीच्या निमित्ताने रील्स बनवून अतिरिक्त कमाई करण्याची संधी मिळेल.
- रील बनवणाऱ्यांसाठी रील्स प्ले बोनस ऑफर सुरू करण्यात आली आहे.
- या ऑफर अंतर्गत, रील बनवणाऱ्यांना कंपनीकडून ५ हजार डॉलर म्हणजेच ४ लाख रूपये बोनस मिळण्याची संधी आहे.
‘रील्स प्ले बोनस ऑफर’ आता भारतात सुरू…
- आतापर्यंत इंस्टाग्रामची ही ऑफर अमेरिकेत सुरू होती, मात्र आता ही ऑफर भारतीय निर्मात्यांसाठीही सुरू करण्यात आली आहे.
- यामुळे कंटेंट निर्मात्यांना मेटामधून थेट पैसे कमविण्याची संधी आहे.
- कंपनीच्या या ऑफरमुळे अधिकाधिक लोकांना रील बनवण्यासाठी प्रोत्साहन मिळेल.
काय आहे ‘रील्स प्ले बोनस ऑफर’?
- रील तयार केल्यानंतर, बोनस रीलवरील प्लेच्या संख्येवर आधारित असेल.
- या ऑफर अंतर्गत बोनस मिळविण्यासाठी, किमान १५० रील असणे आवश्यक आहे.
- पहिली रील बनवल्यानंतर, यूजर्सला १ महिन्यापर्यंतचा वेळ मिळेल.
- पात्र निर्माते त्यांच्या रीलमधून पैसे कमवू शकतील फक्त, त्यांच्या रीलला गेल्या ३० दिवसांत १ हजार व्ह्यू मिळाले पाहिजेत.
- इंस्टाग्रामवर तुम्ही देखील रील्स तयार करत असाल तर, ही ऑफर ११ नोव्हेंबर २०२२ पर्यंत अॅक्टिव्हेट केली जाऊ शकते याची नोंद घ्या.
Subscribe
