भाजपा सत्ताकाळातील ‘या’ घोटाळ्याच्या आरोपांची आघाडी करणार चौकशी!

मुक्तपीठ टीम

राज्यातील तत्कालीन भाजपा सरकारच्या काळात सुरु करण्यात आलेल्या प्रज्वला योजनेच्या गैरव्यवहाराची चौकशी करण्यासाठी एक उच्चस्तरीय समिती स्थापन केली जाणार आहे. राज्य सरकारच्या महिला व बाल कल्याण मंत्री यशोमती ठाकूर यांनी सोमवारी विधान परिषदेत यासंदर्भात माहिती दिली आहे.

तत्कालीन महिला आयोगाच्या अध्यक्षांनाही आयोगासमोर हजर राहावे लागणार…

• महिला बचत गटांच्या सदस्यांना कायदेशीर, सामाजिक आणि आर्थिक माहिती देण्यासाठी तत्कालीन सरकारने २०१९ मध्ये प्रज्वला योजना सुरू केली होती.
• महाराष्ट्र महिला आयोगाने ही योजना लागू केली होती.
• शिवसेनेच्या आमदार मनीषा कायंदे यांनी मांडलेल्या लक्षवेधी प्रस्तावावर यशोमती ठाकूर म्हणाल्या, “प्रज्वला योजनेंतर्गत राज्य सरकारच्या पैशाच्या कथित गैरव्यवहाराची चौकशी करण्यासाठी महाराष्ट्र सरकार एक चौकशी समिती स्थापन करेल.
• महिला आयोगाच्या तत्कालीन अध्यक्षांनाही या आयोगासमोर हजर राहावे लागणार आहे.”

बिले मार्गदर्शक तत्त्वांनुसार योग्य स्वरूपात नव्हती…

• भारतीय जनता पक्षाच्या विजया रहाटकर २०१४-१९ दरम्यान महिला आयोगाच्या अध्यक्षा होत्या. कायंदे यांनी परिषदेला सांगितले की, राज्य महिला आयोगाच्या अधिकाऱ्यांनी सादर केलेली विधेयके हस्तलिखित असून ती अंतिम नाहीत.
• कायंदे यांनी सांगितलं की, “जे बिले सुपूर्द करण्यात आली ती मार्गदर्शक तत्त्वांनुसार योग्य स्वरूपात नव्हती.
• ही योजना सर्व २८८ विधानसभा मतदारसंघात लागू करण्यात येणार होती, परंतु ती निवडक ९८ मतदारसंघांमध्येच लागू करण्यात आली.
• या योजनेचा लाभ भाजपलाच मिळावा, अशा पद्धतीने विधानसभा मतदारसंघांची निवड करण्यात आली.