मुक्तपीठ टीम
गुजरात आगामी विधानसभा निवडणुकीत आम आदमी पक्षाने इशुदान गढवी यांना मुख्यमंत्रीपदाचा चेहरा म्हणून जाहीर केले आहे. त्यानंतर लगेचच पक्षाला मोठा धक्का बसला आहे.पक्षाचे नेते इंद्रनील राजगुरू यांनी आम आदमी पार्टीला सोडचिठ्ठी देत काँग्रेसमध्ये घरवापसी केली आहे.
राजगुरु यांची काँग्रेसमध्ये घरवापसी-
- आम आदमी पक्षात येण्यापूर्वी ते काँग्रेसमध्येच होते.
- ते ‘आप’मध्ये राष्ट्रीय सहसचिव होते.
- त्यांचे पक्षात स्वागत करताना काँग्रेसचे गुजरात प्रभारी रघु शर्मा म्हणाले, इंद्रनील राजगुरू एका विचारसरणीचे होते आणि आज ते पुन्हा त्याच विचारधारेने काम करण्यासाठी काँग्रेस परिवारात सामील होत आहेत.
राजगुरू यांचा आपवर निशाणा!!
- राजगुरू म्हणाले, मला नेहमीच वाटत होते की भाजपा हा देशासाठी वाईट पक्ष आहे आणि गुजरातमध्ये त्याचा पराभव करणे आवश्यक आहे.
- म्हणूनच भाजपाचा पराभव करण्यासाठी मी ‘आप’मध्ये गेलो.
- पण मला असे आढळले की जसा भाजपा लोकांना मूर्ख बनवतो तसाच आप देखील लोकांना मूर्ख बनवण्याचा प्रयत्न करतो.
आपच्या गोपाल इटालियांचा राजगुरुंवर पलटवार!!
- दुसरीकडे, राजगुरु यांनी पक्ष सोडल्यानंतर लगेचच आपचे प्रदेशाध्यक्ष गोपाल इटालिया यांनी त्यांच्यावर टीकेचा सूड उगवला.
- राजगुरू हे पक्षात तिकिटासाठी सौदेबाजी करत असल्याचा आरोप त्यांनी केला आहे.
- १५ विधानसभा जागांसाठी आपल्या आवडीचे उमेदवार हवे असण्याबरोबरच मुख्यमंत्रीपदासाठी आपला चेहरा घोषित करण्याची मागणी ते करत होते.
- पण आप हा जनतेचा पक्ष आहे आणि त्यांची इच्छा पूर्ण करणे हे आमचे कर्तव्य आहे.
Subscribe
