मुक्तपीठ टीम
भारतीय नौदलाने मंगळवारी सुपरसॉनिक ब्रह्मोस क्षेपणास्त्राची यशस्वी चाचणी घेतली. पश्चिम किनारपट्टीवर तैनात असलेल्या आयएनएस विशाखापट्टणम या लढाऊ फ्रिगेटवरून हे प्रक्षेपित करण्यात आले. क्षेपणास्त्राने लक्ष्यावर अचूक मारा केला.
हे क्षेपणास्त्र समुद्रातून समुद्रात मारा करणारे आहे. चाचणी दरम्यान, ते अचूकतेसह जास्तीत जास्त श्रेणीतील लक्ष्य जहाजावर आदळले. यापूर्वी डिसेंबरमध्ये संरक्षण संशोधन आणि विकास संस्था (DRDO) ने विकसित केलेल्या ब्रह्मोस सुपरसॉनिक क्रूझ क्षेपणास्त्राच्या हवाई आवृत्तीची यशस्वी चाचणी घेण्यात आली होती.
संरक्षणमंत्र्यांनी आण्विक प्रतिकारशक्तीवर भर दिला
- केंद्रीय संरक्षण मंत्री राजनाथ सिंह यांनी आण्विक प्रतिकारशक्ती राखण्याच्या गरजेवर भर दिला होता.
- भारत ब्रह्मोस क्रूझ क्षेपणास्त्रे तयार करण्यास सज्ज आहे.
- जेणेकरून कोणताही शत्रू देश त्यावर वाईट नजर टाकू शकणार नाही.
- लखनौमध्ये संरक्षण तंत्रज्ञान आणि चाचणी केंद्र आणि ब्रह्मोस उत्पादन केंद्राच्या पायाभरणी समारंभात ते म्हणाले होते की, क्षेपणास्त्रांच्या निर्मितीचा उद्देश कोणावरही हल्ला करणे नसून देशाची मजबूत सुरक्षा सुनिश्चित करणे आहे.
Subscribe
