मुक्तपीठ टीम
आपल्या लाडक्या लेकीची इच्छा पूर्ण करण्यासाठी भोपाळमधील एका वडिलांनी अनोखी वरात काढली आहे. लग्न म्हटलं की तर, थाट-माट, उत्साह, नाच, गोंधळ हा ठरलेलाच. पण हे लग्नंच अनोखं ठरलय ते वरातीमुळे. तेथे नवरदेवाची नाही तर नवरी असणाऱ्या भावना ललवाणीची वरात काढण्यात आली. या लग्नात नवरी वरातीसह लग्नस्थळी पोहोचली. आपली इच्छा पूर्ण होत असताना वधूनेही मस्त नाचत आनंद साजरा केला.
भोपाळमध्ये दणक्यात निघाली वधूची वरात!
- ललवानी कुटुंब भोपाळच्या संत हिरडाराम नगरमध्ये राहते.
- दोन भावंडांच्या या कुटुंबात लाडाने वाढलेल्या भावना लालवाणीची इच्छा पूर्ण करण्यासाठी वडिलांनी समाजाच्या परंपरेला न जुमानत वधूची वरासारखी वरात काढली.
- एमसीए केल्यानंतर इंदूरमधील एका आयटी कंपनीत काम करणाऱ्या भावनाला तिची इच्छा पूर्ण झाल्यामुळे आनंद झाला.
- संत हिरडाराम नगरच्या बाजारपेठेतून ही वरात निघाली असता सर्वांच्याच आकर्षणाचा हा विषय ठरली आहे.
ओपन कारमध्ये वधूचा गगनात मावेनासा आनंद
- भावनाची वरात ओपन कारमधून जवळजवळ एक किलोमीटरपर्यंत निघाली.
- यामध्ये वरातीत सर्वांनी गुलाबी रंगाचा फेटा परिधान केला होता आणि वधूने लाल रंगाचा लेहेंगा परिधान केला होता.
- वधू गाडीच्या बोनेटवर नाचत होती. अनेक चित्रपटांच्या गाण्यांच्या सुरांवर खुल्या गाडीच्या बोनेटवर नाचत भावनाने आपला आनंद व्यक्त केला.
- भावना म्हणाली की, तिची घरच्यांसोबत एक अट होती की जोपर्यंत ते तिची वरात काढणार नाहीत तोपर्यंत ती लग्न करणार नाही.
- आता तिची वरात निघाली असल्याने तिच्या आनंदाचा अंदाज लावता येणार नाही, असे ती म्हणाली
पाहा व्हिडीओ:
Subscribe
