इम्रान खान सामन्याआधीच टीमसह मैदान सोडून गेले! शाहबाज शरीफ पाकचे नवे पंतप्रधान होणार!

मुक्तपीठ टीम

संपूर्ण जगाचं लक्ष लागून असलेल्या पाकिस्तानच्या पंतप्रधान पदावरून इम्रान खान यांना हाकलण्यात आले आहे. पाकिस्तानी नॅशनल असेंब्लीत इम्रान खान यांच्याविरोधातील अविश्वास ठरावावरील मतदानात इम्रान खान यांचे सरकार पडले. इम्रान खान यांच्या विरोधात म्हणजेच अविश्वास ठरावाच्याबाजूने १७४ मते पडली. समर्थनार्थ एकही मत नव्हतं, कारण इम्रान खान यांच्या पक्षाच्या खासदारांनी मतदानावर बहिष्कार टाकला. आता इम्रान खान यांचे सरकार पडल्यावर पाकिस्तानचे पुढचे पंतप्रधान शाहबाज शरीफ होणार आहेत.

बदला घेणार नाही, पण कायदा त्याचं काम करेल! – शाहबाज शरीफ

पंतप्रधानपदासाठी विरोधकांनी शाहबाज शरीफ यांच्या नावाची घोषणा केली आहे. आज त्यांच्या नावावर अधिकृत शिक्कामोर्तब होईल. अविश्वास प्रस्तावावरील मतदान जिंकल्यानंतर शाहबाज शरीफ यांनी नॅशनल असेंब्लीत भाषण केले. शाहबाज शरीफ म्हणाले की, “आज अल्लाहने पाकिस्तानच्या लोकांच्या प्रार्थना स्वीकारल्या आहेत. पाकिस्तानात अशी उदाहरणे क्वचितच पाहायला मिळतात. आम्ही निरपराध लोकांना तुरुंगात टाकणार नाही. पण कायदा त्याचं काम करेल. आम्ही कोणाचाही बदला घेणार नाही. पाकिस्तानचे दुःस्वप्न संपले आहे. पाकिस्तानमध्ये हसण्याचे दिवस परत आले.”

जुन्या पाकिस्तानात स्वागत! – बिलावल भुट्टो

विरोधकांच्या विजयानंतर पीपीपीचे नेते बिलावल भुट्टो झरदारी म्हणाले, “संपूर्ण पाकिस्तानचे अभिनंदन. देश तीन वर्षे भार उचलत होता, त्याचवेळी ते म्हणाले की, गुन्हेगारी आहे, वाढते, संपते. तीन-चार वर्षात सर्व काही शिकलो. जे आयुष्यात शिकलो नाही. जुन्या पाकिस्तानात आपले स्वागत आहे. पाकिस्तानचे आनंदाचे दिवस परत आले आहेत.

इम्रान खान यांच्या पीटीआय पक्षाला हादरा!

इम्रान खान यांचा पीटीआय पक्ष नॅशनल असेंब्ली आणि प्रांतीय विधानसभांमधील आपल्या आमदारांच्या राजीनाम्याचा विचार करत आहे.
शनिवारी नॅशनल असेंब्लीमध्ये अविश्वास ठरावादरम्यान इम्रान खान यांचा पराभव नक्की झाल्यानंतर हा निर्णय घेण्यात आला.
विरोधकांनी देशभरात मोर्चे काढण्याचे नियोजन केले आहे.
विरोधक इस्लामाबादमध्ये एक महामोर्चाही काढू शकतात.
नवाझ शरीफ लंडनमधून आभासी माध्यमातून संबोधित करतील.
सर्वोच्च न्यायालयाच्या निर्णयानंतर माजी पंतप्रधान नवाझ शरीफ नॅशनल असेंब्लीमध्ये इम्रान सरकारविरोधातील अविश्वास प्रस्तावावरील मतदानापूर्वी सक्रिय झाले आहेत.
त्यांची एका रॅलीत लंडनमधून आभासी माध्यमातून देशाला संबोधित करण्याची योजना आहे.
सर्वोच्च न्यायालयाच्या निर्णयाबद्दल शरीफ यांनी एमक्यूएम नेते खालिद सिद्दीकी यांना फोन करून अभिनंदन केले.

शाहबाज शरीफ हे नव्या सरकारमध्ये पंतप्रधान होण्याची शक्यता!

नॅशनल असेंब्लीमध्ये अविश्वास ठरावावर मतदान झाल्यानंतर इम्रान सरकारचं पतन झालं.
३४२ खासदारांच्या संसदेत बहुमताचा आकडा १७२ आहे आणि इम्रान खान यांचा पक्ष यापासून खूप पुढे गेला आहे.
तर विरोधी पक्षाचे १९९ खासदार आहेत.
अशा परिस्थितीत पीपीपी आणि पीएमएल-एन यांच्या नेतृत्वाखालील विरोधी आघाडी सत्तेत येण्याची खात्री आहे.
पीएमएल-एनचे नेते शाहबाज शरीफ हे नव्या सरकारमध्ये पंतप्रधान होऊ शकतात.

कोण आहेत शाहबाज शरीफ?

शाहबाज शरीफ हे माजी पंतप्रधान नवाझ शरीफ यांचे भाऊ असून सध्या ते विरोधी पक्षनेते आहेत.
ते २००८ ते २०१८ पर्यंत पाकिस्तानच्या पंजाब प्रांताचे मुख्यमंत्री होते आणि हुकूमशहा परवेझ मुशर्रफ यांच्या राजवटीत १९९९ मध्ये सौदी अरेबियात हद्दपार झाले होते.
शरीफ यांच्यावर मनी लाँड्रिंग आणि ७ अब्ज रुपयांच्या भ्रष्टाचाराचे आरोप आहेत.