मंकीपॉक्सशी लढण्यासाठी तयारी, आयसीएमआरने सुचवले काही उपाय…

मुक्तपीठ टीम

मागील काही दिवसांपासून मंकीपॉक्सचा संसर्ग वाढताना दिसत आहे. मंकीपॉक्स हा अस्वच्छतेमुळे आणि संसर्ग झालेल्या व्यक्तींच्या संपर्कात आल्यामुळे होत आहे असे स्पष्ट झाले आहे. विदेशातील देशांमध्ये याचे वाढते प्रमाण पाहायला मिळत आहे. भारतात केंद्र सरकारने याची दक्षता घेतलेली आहे. मंकीपॉक्सच्या संसर्गाविरुद्ध लढण्यासाठी भारत सज्ज आहे. भारतीय वैद्यकीय संशोधन परिषदेच्या अधिकारी अपर्णा मुखर्जी यांनी सांगितले की, अमेरिका, युरोपसह अनेक देशांमध्ये मंकीपॉक्सचा प्रसार वेगाने होत आहे. मात्र, भारतात अद्याप एकही रूग्ण दाखल झालेला नाही. आरोग्य तज्ञांना देखील असामान्य लक्षणांवर बारीक लक्ष ठेवण्याचे आवाहन करण्यात आले आहे.

संसर्ग एका व्यक्तीकडून दुसऱ्या व्यक्तीपर्यंत पसरतो

अपर्णा मुखर्जी म्हणाल्या की, “जास्त ताप, अंगदुखी, पुरळ, सुजलेल्या लिम्फ नोड्स आणि थकवा यांसारखी असामान्य लक्षणे आढळल्यास तपासणी करावी. संसर्ग झालेल्या व्यक्तीच्या दीर्घकाळ संपर्कात आल्यास किंवा मग त्वचेचा संपर्क आल्यास हा रोग होऊ शकतो. या आजाराबद्दल लोकांनी घाबरून जाऊ नये आणि मंकीपॉक्स पॉझिटिव्ह आढळल्यास लवकरच डॉक्टरांशी संपर्क साधावा,” अशी सूचना त्यांनी दिली आहे.

लहान मुलं आणि वृद्धांना संसर्गाचा धोका

• लहान मुलांना मंकीपॉक्सचा धोका जास्त आहे.
• त्याच वेळी, वृद्धांना स्मॉलपॉक्स विरूद्ध लसीकरण केले जाईल.
• ज्या लोकांना १९८० पासून स्मॉलपॉक्स विरूद्ध लसीकरण केले गेले नाही त्यांना या संसर्गाचा धोका जास्त असू शकतो. ते पुढे म्हणाले की, या आजारावर लहान मुले आणि वृद्धांसाठी समान उपचार आहेत.

या देशांमध्ये संसर्ग पसरला

युनायटेड स्टेट्स, ब्रिटन, बेल्जियम, फ्रान्स, जर्मनी, इटली, नेदरलँड्स, पोर्तुगाल, स्पेन, स्वीडन, ऑस्ट्रेलिया, कॅनडा, ऑस्ट्रिया, कॅनरी बेटे, इस्रायल आणि स्वित्झर्लंडसह काही स्थानिक नसलेल्या देशांमध्ये मंकीपॉक्स संसर्गाची नोंद झाली आहे. आयसीएमआरने या देशांना भारतात येणाऱ्या लोकांवर बारीक नजर ठेवण्याचे तसेच लोकांच्या संपर्कात येऊ नये असे आवाहन केले आहे. त्याच वेळी, भारतातील केंद्रीय आरोग्य मंत्रालयाने देखील आरोग्य संस्थांना उद्रेकावर बारीक लक्ष ठेवण्याचे निर्देश दिले आहेत.

आयसीएमआरने जारी केलेल्या मार्गदर्शक तत्त्वांमध्ये असे म्हटले आहे की, आजारी व्यक्ती, मृत किंवा जिवंत व्यक्तींशी जवळचा संपर्क टाळावा. वन्य प्राणी आणि माकडांसह स्ट्रॅटोस्फियर सारख्या दूषित घटकाचा संपर्क टाळा. मंकीपॉक्सची लक्षणे असल्यास संसर्गित त्वचेला स्पर्श करणे टाळावे. तसेच कॉर्टिसोन असलेली उत्पादने टाळावीत. परंतु, सावधगिरीने डॉक्टरांशी संपर्क साधावा.