अठरा वर्षांवरील लसीकरणासाठी अशी करा नोंदणी

मुक्तपीठ टीम

देशात सध्या कोरोनाविरुद्ध लढा सुरु आहे. संसर्गाची साखळी तोडण्यासाठी राज्य सरकारकडून सर्वोतोपरी प्रयत्न सुरु आहेत. लसीकरण मोहिमेला वेग आला आहे. याच पार्श्वभूमीवर देशभरात १ मे २०२१ पासून १८ वर्षांवरील लोकांना कोरोना लसीचा लाभ घेता येणार आहे. यासाठी २८ एप्रिलपासून नोंदणी प्रक्रिया सुरु होणार आहे. त्यामुळे पात्र भारतीय नागरिक को-विन अॅप किंवा आरोग्य सेतू अॅपवर नोंदणी करु शकतात.

सध्या देशात ४५ वर्ष आणि त्यापेक्षा जास्त वयोगटातील लोकांचे लसीकरण केले जात आहे. तर १ मे पासून १८ ते ४५ वयोगटातील लोकांना लसीकरण सुरु केले जाणार आहे. त्यामुळे लसीकरणासंबंधित सर्व माहिती असणे आवश्यक आहे.

लसीकरणासाठी अशी करा नोंदणी…

१८ ते ४५ वयोगटातील लोकांची लसीकरण मोहीम १ मे पासून सुरु होणार आहे.
लसीकरणाची नोंदणी प्रक्रिया बुधवार, २८ एप्रिलपासून सुरु होणार आहे.
कोविन किंवा आरोग्य सेतू अॅपवरुन तसेच https://www.cowin.gov.in या वेबसाइटवरही नोंदणी करता येईल.
नोंदणीसाठी मतदान ओळखपत्र, आधारकार्ड असे ओळखपत्र आवश्यक आहे.
लसीकरणासाठी पूर्वनोंदणी आणि अपॉइनमेन्ट घेणे अनिर्वाय असणार आहे.
नोंदणी केल्यानंतर आपल्या नोंदणीकृत मोबाईल नंबरवर कन्फर्मेशन एसएमएस येईल.
मोबाइलवर येणाऱ्या एसएमएसवर लक्ष ठेवणे गरजेचे आहे.
लसीकरणावेळी स्लिप आणि फोटो आयडी जवळ ठेवणे आवश्यक आहे.
तुम्हाला कळवण्यात आलेल्या तारीख, वेळ आणि सेंटरवर वेळेत पोहचा.
कोरोना लसीकरणासाठी विशिष्ट लसीचा आग्रह धरू नका.
कोरोना लसीच्या पहिल्या डोसनंतर दुसऱ्या डोससाठी निर्धारित तारखेला पुन्हा लसीकरण केंद्रात जा.
लसीकरणाचा दुसरा डोसही आधी ज्या लसीचा डोस घेतला त्याचाच दिला जाईल.
लसीकरणानंतर कोरोना विषाणूंपासून संरक्षण वाढत असले तरी मास्कसह सुरक्षा नियम पाळा.