गॅस सिलिंडर लीक तर होत नाही? अशी करा तपासणी…

मुक्तपीठ टीम

सध्या स्वयंपाकासाठी एलपीजी गॅस वापरणं वाढतं आहे. महागाई असली तरीही चुलीचा किंवा स्टोव्हचा धूरातून महिलांची मुक्तता करणारा गॅस सर्वांना हवाहवासा वाटतो. पण गॅसचा फायदा घेतानाच काही काळजी घेणेही आवश्यक असते. गॅस सिलिंडरमध्ये असणारी सर्वात मोठी समस्या म्हणजे गॅस गळतीची. अनेकांना गॅस सिलिंडरमधून गळती होत आहे की नाही हे तपासता येत नाही. तर चला याविषयी जाणून घेऊया…

अशा मार्गानी शोधा गॅस गळती:-

१) पाण्याच्या मदतीने

• सिलिंडरमध्ये रेग्युलेटर ठेवलेल्या ठिकाणी थोडेसे पाणी टाका
• जर त्यातून बुडबुडे उठत असतील तर गॅस सिलिंडरमधून गळती होत असल्याचे लक्षण आहे.
• जर असे झाले नाही तर सिलिंडरमधून गळती होत नाही.

२) वास घेउन

• गॅस रेग्युलेटरजवळ आणि पाईप जॉइंट एरियामध्ये वास घ्या
• वास आल्यास गॅस सिलिंडरमधून गळती होत असल्याचे लक्षण आहे.
• जर वास आला नाही तर सिलिंडरमधून गळती होत नाही.
• असे केल्याने गॅस गळती होत आहे की नाही हे देखील आपण शोधू शकता.

३) तपासत रहा

• गॅस सिलिंडर घरी आणल्यावर वापरताना वेळोवेळी तपासत राहावे.
• इंस्टॉलेशनपूर्वी आणि वापरादरम्यान, सिलिंडर गळत आहे की नाही हे तपासत रहा.

४) सिलिंडर त्वरित बदला

• सिलिंडर लीक होत असल्यास तो वापरु नका.
• त्यावर टोपी घाला, तो बंद करा आणि बाजूला मोकळ्या जागेत ठेवा आणि प्रथम गॅस एजन्सीला त्याबद्दल कळवा आणि गॅस सिलिंडर बदलून घ्या.

अशा प्रकारे सिलिंडरमधून होणारी गळती तुम्हाला समजेल.