मुक्तपीठ टीम
विशेष म्हणजे ही कल्पक योजना जन्माला आली आहे ती सरकारी खात्याकडून. आपल्या महाराष्ट्रातील एमटीडीसी रिसॉर्ट्समध्ये लवकरच ‘वर्क-फ्रॅाम-नेचर’ची सोय उपलब्ध होणार आहे.
महाराष्ट्र टुरिझम डेव्हलपमेंट कॉर्पोरेशन म्हणजेच एमटीडीसीने काम करणाऱ्या व्यावसायिकांसाठी आपल्या निसर्गरम्य रिसॉर्टमध्ये ‘वर्क-फ्रॅाम-नेचर’ सुविधा उपलब्ध करून देत आहे. त्यासाठी सर्व ठिकाणी वायफाय सुविधा उपलब्ध केली जात आहे.
नवीन ‘वर्क-फ्रॅाम-नेचर’ मोहिमेअंतर्गत एमटीडीसी त्यांच्या निवडक रिसॉर्ट्समध्ये अगदी कमी शुल्कात अमर्यादित वायफाय उपलब्ध करुन देणार आहे. “आम्ही कनेक्टिव्हिटीला महत्व देत सर्वाधिक वायफाय झोन उपलब्ध असलेला रिसॉर्ट बनवला आहे. माथेरानच्या मध्यभागी असलेल्या आमच्या मालमत्तेवर आम्ही चार वायफाय झोन उपलब्ध केले आहेत. वनक्षेत्रात असलेल्या आमच्या महाबळेश्वर प्रॉपर्टीमध्ये आम्ही वायफाय सेवा देऊन चाचणी केली आहे. त्या आधारावर निसर्ग मोहिमेची सुरूवात केली आहे, ” असे एमटीडीसीचे प्रादेशिक व्यवस्थापक दीपक हर्णे यांनी सांगितले.
दीपक म्हणाले की,“वनक्षेत्रात असलेल्या आमच्या सर्व रिसोर्ट्समध्ये वायफाय झोन देण्याची योजना आम्ही आखली आहे. पुणे विभागात सात परिचालन रिसॉर्ट्स आणि अजून दोन नवीन रिसॉर्ट्स सुरू झाले आहेत, ज्यांचे हे अतिरिक्त फायदे होतील. आम्ही ही सुविधा एमटीडीसीच्या राज्यभरातील २५ ठिकाणांवर वाढवण्याची योजना आखत आहोत. या ठिकाणी भेट देणाऱ्यांना एमटीडीसी अमर्यादित इंटरनेटसाठी १०० रुपयांपेक्षा अधिक शुल्क आकारणार नाही.
पाहा व्हिडीओ :
Subscribe
