जिद्दीनं लढणाऱ्यांना तंत्रज्ञानाची साथ; सांगलीतच्या वाळव्यात दारिद्र्य रेषेखालील विद्यार्थ्यांना मोफत टॅब

मुक्तपीठ टीम

पहिली, दुसरी आणि आता तिसरी…अशा एकामागोमाग कोरोनाच्या लाटा उसळत असताना शिक्षणासाठी ऑनलाईनचा मार्ग स्वीकारला जात आहे. मात्र, समाजाचील आर्थिक वंचित घटकातील विद्यार्थ्यांकडे साधनांच्या अभावी वेगळ्याच समस्येला तोंड द्यावे लागत आहे. त्यामुले कागदावर शिक्षित असूनही प्रत्यक्षात न शिकलेला असणारा एक नवा कागदावरचा शिक्षित वर्ग घडणार आहे. त्याची गंभीर दखल घेत ग्रामविकास मंत्री जयंत पाटील यांनी आपल्या तालुक्यातील दारिद्र्य रेषेखालील विद्यार्थ्यांसाठी मोफत टॅब वाटप सुरु केले आहे.

सांगलीच्या वाळवा तालुक्यातील दारिद्रय रेषेखालील कुटुंबातील विद्यार्थ्यांचे शिक्षण अखंडपणे सुरू ठेवण्यासाठी व शिक्षणाचा दर्जा उंचावण्यासाठी अमेझॉन इंडियाच्या सहकार्याने जयंत दारिद्रय निर्मुलन अभियानांतर्गत टॅब वाटप करण्यात येत आहे. या टॅबचे वाटप जयंत पाटील यांच्या हस्ते राजारामबापू पाटील नाट्यगृह, इस्लामपूर येथे करण्यात आले आहे.

कोरोनाच्याया जागतिक महामारीच्या काळामध्ये असामान्य अशी परिस्थिती निर्माण झाली. मानवी जीवनाच्या सर्वच बाजूवर या संकटाने प्रभाव टाकला. याचा शैक्षणिक प्रक्रियेवरही परिणाम झाला. कोरोना विषाणूच्या भीतीने शाळा बंद करण्यात आल्या आणि विद्यार्थ्यांना ऑनलाईन शिक्षण देण्यास सुरुवात झाली असेही जयंत पाटील यांनी सांगितले.

ऑनलाईन शिक्षणासाठी मोबाईल, टॅब, संगणक आणि इंटरनेट सुविधा या मुलभूत गोष्टींची आवश्यकता असते. मात्र आज अनेक दारिद्रय रेषेखालील कुटुंबांना मोबाईल, टॅब, संगणक घेणे आणि इंटरनेट सुविधा घेणे परवडत नाही. त्यामुळे दारिद्रय रेषेखालील विद्यार्थ्यांना त्यांचा अभ्यास आणि अभ्यासक्रम पूर्ण करण्यात अनेक अडचणी निर्माण होत आहेत. परिणामी ते अभ्यासात मागे पडून त्यांचे शैक्षणिक नुकसानही होत आहे, याची गंभीर दखल जयंत पाटील यांनी घेतली म्हणूनच जयंत पाटील यांच्या संकल्पनेतून व त्यांच्या मार्गदर्शनानुसार वाळवा तालुक्यातील दारिद्रय रेषेखालील कुटुंबातील विद्यार्थ्यांना हे टॅब वाटप करण्यात येत आहेत.